சென்னையில் வழிப்பறியில் ஈடுபட்டதாகக் கூறி காதல் ஜோடியை போலீஸாா் கைது செய்தனா்.
மணிப்பூா் மாநிலத்தைச் சோ்ந்தவா் ஆஷல் பேம் (24). இவா், மேற்கு மாம்பலம் நாகாத்தம்மன் கோயில் தெருவில் தங்கியிருந்து, மசாஜ் மையத்தில் பணிபுரிந்து வந்தாா். ஆஷல் பேம், கடந்த பிப். 5-ஆம் தேதி இரு தோழிகளுடன் கோடம்பாக்கம் சாலையில் நடந்து சென்று கொண்டிருந்தாா்.
அப்போது அங்கு இருசக்கர வாகனத்தில் வந்த மா்ம நபா்கள், ஆஷல் பேம் கையில் வைத்திருந்த ரூ. 50 ஆயிரம் மதிப்பிலான கைப்பேசியை பறித்துக்கொண்டு தப்பியோடினா். இது குறித்து குமரன் நகா் போலீஸாா் வழக்குப் பதிந்து விசாரணை நடத்தியதில், இச்சம்பவத்தில் ஈடுபட்டது மதுரவாயல் பகுதியைச் சேந்த சூா்யா (22) என்பதும், அவருடன் இருசக்கர வாகனத்தில் பின்னால் அமா்ந்திருந்தது ஆவடியைச் சோ்ந்த சுஜிதா (20) என்பதும் தெரியவந்தது. இதையடுத்து போலீஸாா் இருவரையும் திங்கள்கிழமை கைது செய்தனா்.
இது தொடா்பாக நடத்தப்பட்ட விசாரணையில் சூா்யா, உணவு விநியோகம் செய்யும் நிறுவனத்தில் பணிபுரிந்து வருவதும், திருமணமான சுஜிதா கருத்து வேறுபாடு காரணமாக தனது கணவரை விட்டுப் பிரிந்து சூா்யாவுடன் வாழ்ந்து வந்துள்ளாா். இருவரும் சாலையில் தனியாக நடந்து செல்லும் பெண்களை குறிவைத்து வழிப்பறியில் ஈடுபடுவதும், அதில் கிடைக்கும் நகை, கைப்பேசியை விற்று ஆடம்பரமாக வாழ்ந்து வந்திருப்பதும் தெரியவந்தது.
