அதானி குழுமத்துக்கு எதிராக அறிக்கை வெளியிட்ட ஹிண்டன்பர்க் நிறுவனம் மூடல்!
திருவண்ணாமலை மாவட்டம், செங்கம் அருகே 18-வயது நிறைவடைந்தவா்கள் வாக்காளா் பட்டியலில் பெயா் சோ்ப்பது குறித்து விழிப்புணா்வு நிகழ்ச்சி வியாழக்கிழமை நடைபெற்றது.
வருவாய்த் துறை சாா்பில் செ.நாச்சிப்பட்டு ஸ்ரீசக்தி பாலிடெக்னிக் கல்லூரி மற்றும் செங்கம் அரசு ஆண்கள் மற்றும் பெண்கள் மேல்நிலைப் பள்ளியில் இந்த விழிப்புணா்வு நிகழ்ச்சி நடத்தப்பட்டது.
இதில், வாக்களா் பட்டியலில் பெயா் சோ்ப்பது குறித்தும், உரிய படிவங்களை நிறைவு செய்வது குறித்தும்
துணை வட்டாட்சியா் பாண்டியம்மாள் விளக்கிக் கூறினாா்.
தொடா்ந்து, விழிப்புணா்வு நிகழ்ச்சியில் கலந்து கொண்ட மாணவா்களுக்கு பல்வேறு போட்டிகள் நடத்தப்பட்டு அதில் சிறப்பிடம் பெற்றவா்களுக்கு பரிசு வழங்கும் நிகழ்ச்சி சக்தி பாலிடெக்னிக் கல்லூரி வளாகத்தில் நடைபெற்றது.
நிகழ்ச்சிக்கு செங்கம் வட்டாட்சியா் முருகன் தலைமை வகித்தாா். துணை வட்டாட்சியா்கள் திருநாவுக்கரசு, பாண்டியம்மாள் ஆகியோா் முன்னிலை வகித்தனா்.
செங்கம் கிராம நிா்வாக அலுவலா் விஜயகுமாா் வரவேற்றாா்.
சிறப்பு அழைப்பாளராக ஸ்ரீசக்தி பாலிடெக்னிக் கல்லூரித் தலைவா் வெங்கடாசலபதி கலந்து கொண்டு பரிசு வழங்கினாா்.
நிகழ்ச்சியில் வருவாய்த் துறை அதிகாரிகள், பள்ளி, கல்லூரி மாணவ, மாணவிகள்கலந்து கொண்டனா்.
