வாக்குப்பதிவு இயந்திரங்கள் பாதுகாப்பு: ஆட்சியா் ஆய்வு

கள்ளக்குறிச்சி: பாதுகாக்கப்பட்டு வரும் கள்ளக்குறிச்சி மாவட்டத்துக்கான வாக்குப்பதிவு இயந்திரங்களை மாவட்ட ஆட்சியா் எம்.எஸ்.பிரசாந்த் திங்கள்கிழமை நேரில் பாா்வையிட்டு ஆய்வு செய்தாா்.

கள்ளக்குறிச்சியை அடுத்த தச்சூரில் உள்ள தமிழ்நாடு சேமிப்புக் கிடங்கில் வாக்குப்பதிவு இயந்திரங்கள் பாதுகாப்பாக வைக்கப்பட்டுள்ளன. இந்த மின்னணு வாக்குப்பதிவு இயந்திரங்கள் மாதாந்திர, காலாண்டு, அரையாண்டு என பல்வேறு கால இடைவெளிகளில் தொடா்ந்து ஆய்வு

மேற்கொள்ளப்பட்டு வருகிறது.

இந்நிலையில், வாக்குப்பதிவு இயந்திரங்களை மாவட்ட ஆட்சியா் எம்.எஸ்.பிரசாந்த் திங்கள்கிழமை பாா்வையிட்டு காலாண்டு ஆய்வு மேற்கொண்டாா்.

ஆய்வின் போது சம்பந்தப்பட்ட துறை அலுவலா்கள், அங்கீகரிக்கப்பட்ட அரசியல் கட்சிப் பிரதிநிதிகள் உள்ளிட்ட பலா் உடனிருந்தனா்.