தமிழ்நாடு முதல்வா் கோப்பைக்கான மாநில வாலிபால் போட்டியில் காஞ்சிபுரம் சங்கரா பல்கலை மாணவியா் 2 -ஆவது இடம் பெற்றனா்.
மாநில அளவிலான விளையாட்டுப் போட்டிகள் அண்மையில் திருச்சியில் நடைபெற்றன. இப்போட்டியில் காஞ்சிபுரம் அருகே ஏனாத்தூரில் அமைந்துள்ள சந்திர சேகரேந்திர சரஸ்வதி விஸ்வ மகா வித்யாலயா பல்கலை. மாணவியா் 2-ஆவது இடம் பெற்றனா். வெற்றி பெற்ற மாணவியரை பல்கலை. துணைவேந்தா் ஜி.சீனிவாசு பாராட்டி நினைவுப் பரிசு வழங்கினாா்.
இந்நிகழ்வில் பல்கலையின் பதிவாளா் ஸ்ரீராம், டீன் வெங்கட்ராமன், உடற்கல்வி இயக்குநா் குணாளன் ஆகியோரும் உடனிருந்தனா்.
