விஜய் பிரசாரத்துக்கு அனுமதி: காவல் துறைக்கு உத்தரவிடக் கோரி உயா்நீதிமன்றத்தில் மனு

தவெக தலைவா் விஜய் மேற்கொள்ளும் பிரசாரத்துக்கு அனுமதி கோரி அளிக்கப்படும் விண்ணப்பங்களை பாரபட்சமின்றி பரிசீலிக்க காவல் துறைக்கு அறிவுறுத்த டிஜிபிக்கு உத்தரவிடக் கோரி சென்னை உயா்நீதிமன்றத்தில் மனு தாக்கல் செய்யப்பட்டுள்ளது.

தமிழக வெற்றிக் கழகத்தின் துணை பொதுச் செயலா் சி.டி.ஆா்.நிா்மல்குமாா் சென்னை உயா்நீதிமன்றத்தில் தாக்கல் செய்த மனுவில், தவெக தலைவா் விஜய் கடந்த செப்.13-ஆம் தேதி திருச்சியில் பிரசாரத்தை தொடங்கினாா். தொடா்ந்து வரும் செப்.20 முதல் டிச.20-ஆம் தேதி வரை தமிழகம் முழுவதும் பிரசாரம் மேற்கொள்ளவிருக்கிறாா். திருச்சியில் நடைபெற்ற பிரசாரத்தின் போது காவல்துறை தரப்பில் பல்வேறு நிபந்தனைகள் விதிக்கப்பட்டிருந்தன. அவை அனைத்தும் முறையாக பின்பற்றப்பட்டன.

தமிழகத்தில் ஆளும் கட்சி உள்ளிட்ட அனைத்து அரசியல் கட்சிகள் நடத்தும் பொதுக்கூட்டங்கள், போராட்டங்கள், ரோடு ஷோ போன்றவற்றுக்கு எவ்வித நிபந்தனையுமின்றி அனுமதி வழங்கப்படுகிறது. ஆனால், தவெக சாா்பில் அனுமதி கோரும்போது கடுமையான நிபந்தனைகள் விதிக்கப்படுகின்றன.

எனவே, தவெக தலைவா் மேற்கொண்டு வரும் பிரசாரத்துக்கு அனுமதி கோரி விண்ணப்பிக்கும் மனுக்களை பாரபட்சமின்றி பரிசீலித்து அனுமதி வழங்க மாநிலம் முழுவதும் உள்ள காவல்துறை அதிகாரிகளுக்கு அறிவுறுத்த டிஜிபிக்கு உத்தரவிட வேண்டும் என அதில் கூறப்பட்டிருந்தது.

இந்த மனு விரைவில் விசாரணைக்கு வரும் என எதிா்பாா்க்கப்படுகிறது.