மதிமுகவிலும் மோதல்? முதன்மைச் செயலாளர் பொறுப்பில் இருந்து துரை வைகோ விலகல்
தமிழக வெற்றிக் கழகத்தின் தலைவரும் நடிகருமான விஜய் முஸ்லிம்களுக்கு எதிரானவா் என்று கூறி, அவருக்கு எதிராக உத்தர பிரதேசத்தைச் சோ்ந்த இந்திய முஸ்லிம் ஜமாத் ஃபத்வா அறிவித்துள்ளது.
இதுதொடா்பாக இந்திய முஸ்லிம் ஜமாத் தலைவரும், தாரூல் இஃப்தா (ஃபத்வாக்கள் பிறப்பிக்கும் அமைப்பு) தலைவருமான முஃப்தி மௌலானா ஷஹாபுதீன் ரஸ்வி பரேல்வி, உத்தர பிரதேச மாநிலத்தின் பரேலியில் செய்தியாளா்களைச் சந்தித்தாா்.
அப்போது, அவா் கூறுகையில், ‘விஜய் கடந்த காலங்களில் பல்வேறு முறை முஸ்லிம்களுக்கு எதிரானவராக இருந்துள்ளாா். தனது படங்களில் முஸ்லிம்களை பயங்கரவாதம் மற்றும் தீவிரவாதத்துடன் இணைத்துக் காட்டியுள்ளாா். இந்நிலையில் கட்சி தொடங்கிய பிறகு, அரசியலுக்காக முஸ்லிம்களின் உணா்வுகளுடன் அவா் விளையாடுகிறாா். தமிழக முஸ்லிம்கள் அவரிடமிருந்து விலகியிருக்க வேண்டும்.
உதாரணமாக, சென்னையில் கடந்த மாா்ச் 9-ஆம் தேதி விஜய் நடத்திய இஃப்தாா் நோன்பு துறப்பு நிகழ்ச்சிக்கு, இஸ்லாமிய கொள்கைகளுக்கு எதிரான சூதாட்டம், மது அருந்துதல் போன்ற செயல்களில் ஈடுபடும் நபா்களுக்கு அழைப்பு விடுக்கப்பட்டுள்ளது.
இஸ்லாமிய நம்பிக்கைகளின்படி, இஃப்தாா் விருந்துக்கு அத்தகையவா்களை அழைப்பது பாவமாகும். தமிழக முஸ்லிம்களிடம் இருந்து பெறப்பட்ட இது குறித்த புகாரில், விஜய் மீது ஃபத்வா அறிவிக்க கோரிக்கை வைக்கப்பட்டது. அதன்படி, தற்போது விஜய் மீது ஃபத்வா அறிவிக்கப்பட்டுள்ளது.
ஃபத்வாவில், ‘தமிழக முஸ்லிம்கள் விஜயை நம்பக் கூடாது. முஸ்லிம் நிகழ்ச்சிகளுக்கு அவரை அழைக்கக் கூடாது’ என்று அறிவுறுத்தப்பட்டுள்ளது’ என்றாா்.
இஃப்தாா் விருந்து நடத்தியதும், மத்திய அரசு அண்மையில் கொண்டு வந்த வக்ஃப் திருத்தச் சட்டத்துக்கு எதிராக உச்ச நீதிமன்றத்தில் முறையிட்டதும் முஸ்லிம்களிடையே தனது ஆதரவை வலுப்படுத்தும் விஜயின் முயற்சியாகக் கருதப்படுகிறது. ஆனால், விஜய் தனது இஃப்தாா் விருந்தில் முஸ்லிம்களின் உணா்வுகளைப் புண்படுத்தியதாகக் கூறி, தமிழ்நாடு சுன்னத் ஜமாத் சென்னை காவல் ஆணையா் அலுவலகத்தில் புகாா் அளித்தது. இந்தப் புகாரின்பேரில் வழக்குப் பதிவு செய்யப்பட்டுள்ளது.
‘ஃபத்வா’ எனப்படுவது முஸ்லிம் மதகுருவால் அறிவிக்கப்படும் இஸ்லாமிய சட்டத்தின் நெறிமுறை விளக்கமாகும்.
