விவசாயி என்று நிலத்தை விலைக்கு வாங்கி சர்ச்சையில் சிக்கிய சுஹானா கான் - வருமான வரித்துறை விசாரணை
Admin
- 4 hours ago
சுஹானா கான்
பாலிவுட் நடிகர் ஷாருக் கானுக்கு மகாராஷ்டிரா மாநிலம் அலிபாக் அருகே கடற்கரையோரம் பண்ணை வீடு உள்ளது. அந்த பண்ணை வீடு இருக்கும் பகுதியில், ஷாருக் கான் மகள் சுஹானா கானும் இரண்டு நிலங்களை வாங்கி இருக்கிறார்.
அலிபாக்கில் உள்ள தால் என்ற கிராமத்தில் அஞ்சலி, ரேகா மற்றும் பிரியா ஆகிய சகோதரிகளிடமிருந்து சுஹானா கான் ஒரு நிலத்தை ரூ.12.91 கோடிக்கு வாங்கினார்.
மூன்று சகோதரிகளுக்கும் அந்த நிலத்தை அவர்கள் பெற்றோர் கொடுத்திருந்தனர். அச்சகோதரிகளின் பெற்றோருக்கு அரசு அந்த நிலத்தை ஒதுக்கியிருந்தது.
விவசாய தேவைக்காக அந்த நிலத்தை ஒதுக்கியதாகவும், ஆனால் அதனை பண்ணை வீட்டிற்காக விற்பனை செய்திருப்பது தெரிய வந்துள்ளது.
அதோடு நிலத்தை வாங்கும்போது சுஹானா கான் தன்னை விவசாயி என்று கூறி ஆவணங்களை பதிவு செய்துள்ளார். இதனால் சுஹானா கான் சிக்கலில் மாட்டிக்கொண்டுள்ளார்.
அதிகாரிகள் விசாரணை
இது குறித்து அதிகாரிகள் இப்போது விசாரணை நடத்தி வருகின்றனர். இவ்விவகாரத்தில் பாரபட்சமற்ற விசாரணை அறிக்கையை தாக்கல் செய்யும்படி அலிபாக் தாசில்தாரிடம் துணை மாவட்ட ஆட்சித்தலைவர் சந்தேஷ் கேட்டுக்கொண்டுள்ளார்.
நிலம் விற்பனையில் விவசாய நிலச் சட்ட விதிமுறைகள் மீறப்பட்டுள்ளதா என்பது குறித்து விசாரணை நடைபெறுகிறது.
மகாராஷ்டிராவில் விவசாய நிலங்களை விவசாயிகள் மட்டுமே வாங்க முடியும். நிலம் வாங்குபவர்கள் தான் விவசாயி என்பதற்கான சான்றிதழை தாக்கல் செய்ய வேண்டும்.
ஷாருக் கான் மகள் சுஹானா கான் தன்னை விவசாயி என்று கூறி 1.5 ஏக்கர் நிலத்தை 2023 ஆம் ஆண்டு வாங்கியிருப்பது சந்தேகத்தை கிளப்புகிறது.
விசாரணையின் இறுதியில் நில பதிவு அங்கீகரிக்கப்படுமா அல்லது பதிவு ரத்து செய்யப்படுமா என்பது தெரிய வரும்.
சுஹானா 2023 ஆம் ஆண்டு மற்றொரு நிலத்தை ரூ.10 கோடிக்கு வாங்கினார். ஷாருக் கான் குடும்பம் அலிபாக்கில் நிலம் வாங்கி சர்ச்சையில் சிக்குவது இது முதல் முறை கிடையாது.
இதற்கு முன்பு 2018ஆம் ஆண்டு ஷாருக் கானின் பண்ணை வீட்டுக்கும், ஷாருக் கானின் கம்பெனிக்கும் உள்ள தொடர்பு குறித்து வருமான வரித்துறை விசாரணை நடத்தியுள்ளது.
சினிமா விகடனின் பிரத்யேக Whatsapp க்ரூப்
https://chat.whatsapp.com/JSk78H7siYK4aL2qO1RglR
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
