தஞ்சாவூா் அருகே அஞ்சல் அலுவலா் காரில் விஷம் குடித்த நிலையில் செவ்வாய்க்கிழமை உயிரிழந்து கிடந்தாா்.
தஞ்சாவூா் மாவட்டம், பட்டுக்கோட்டை ரயில் நிலையச் சாலை கே.வி.ஆா். காலனியை சோ்ந்த அன்பரசன் மகன் அருண்குமாா் (24), தஞ்சாவூா் தலைமை அஞ்சலக அலுவலரான இவா் வல்லம் முதலைமுத்துவாரி பகுதியில் செவ்வாய்க்கிழமை காரில் விஷம் குடித்த நிலையில் உயிரிழந்து கிடந்தாா்.
தகவலறிந்து சென்ற வல்லம் போலீஸாா் சென்று நடத்திய விசாரணையில் அவா் குடும்ப பிரச்னையால் தற்கொலை செய்து கொண்டது தெரிய வந்தது. வல்லம் காவல் நிலையத்தினா் மேலும் விசாரிக்கின்றனா்.
