வீட்டு மாடியிலிருந்து தவறி விழுந்ததில் மாணவா் உயிரிழப்பு

தக்கலை அருகே வீட்டின் மாடியில் இருந்து தவறி விழுந்த பள்ளி மாணவா் உயிரிழந்தாா்.

தக்கலை அருகே பூக்கடை, காட்டுபுனம் பகுதியைச் சோ்ந்தவா் ஜெபசீலன். வெளிநாட்டில் வேலை செய்து வருகிறாா். இவருக்கு 3 மகன்கள் உண்டு. இதில் 2-ஆவது மகன் ஜெபின் (16).

இவா் வாத்தியாா்கோணத்தில் உள்ள அரசுப் பள்ளியில் 10-ஆம் வகுப்புப் படித்து வந்தாா். வீட்டின் மேல் மாடி கட்டுமான பணிகள் நடந்து வருவதால், தண்ணீா் ஊற்ற மாடிக்குச் சென்றபோது நிலை தடுமாறி கீழே விழுந்தாா். இதில் ஜெபின் தலையில் பலத்த காயம் ஏற்பட்டது.

அவரை மீட்ட உறவினா்கள் திருவனந்தபுரத்தில் உள்ள தனியாா் மருத்துவமனையில் சோ்த்தனா். பின்னா் தீவிர சிகிச்சைக்காக ஆசாரிபள்ளம் அரசு மருத்துவ கல்லூரி மருத்துவமனையில் சோ்த்தனா். அங்கு சிகிச்சை பலனின்றி ஞாயிற்றுக்கிழமை இரவு மாணவா் உயிரிழந்தாா். இதுகுறித்து, தக்கலை காவல் நிலைய போலீஸாா் வழக்குப் பதிந்து விசாரணை நடத்தி வருகின்றனா்.