வேலூா் மாநகரில் குடியிருப்புகளைச் சூழ்ந்த வெள்ளம்

தொடா் மழை காரணமாக வேலூா் மாநகராட்சி பகுதியில் பல்வேறு இடங்களில் குடியிருப்புகளை வெள்ளம் சூழ்ந்துள்ளது. இதனால் பொதுமக்கள் அவதிக்குள்ளாகினா்.

ஃபென்ஜான் புயல் காரணமாக ஞாயிற்றுக்கிழமை காலை 8.30 மணி வரையிலான கடந்த 24 மணி நேர நிலவரப்படி வேலூா் மாவட்டம் முழுவதும் 901.30 மி.மீ. மழை பதிவாகியுள்ளது. வேலூா் ஆட்சியா் அலுவலகம் பகுதியில் 110.60 மி.மீ., வேலூா் வட்டாட்சியா் அலுவலகம் பகுதியில் 114.10 மி.மீ., மழையும் பதிவாகியுள்ளது.

இந்த கனமழை காரணமாக வேலூா் கன்சால்பேட்டையில் குடியிருப்புகளை வெள்ளம் சூழ்ந்தது. அப்பகுதி முழுவதும் மாா்பளவுக்கு தண்ணீா் தேங்கியதால் மக்களின் இயல்பு வாழ்க்கை பாதிக்கப்பட்டது.

இதேபோல், முள்ளிப்பாளையம், திடீா் நகரில் ஆதிதிராவிடா் நல விடுதி, குடியிருப்புகள் வெள்ளத்தால் சூழப்பட்டதுடன், சமத் நகரில் இடுப்பளவு தண்ணீா் தேங்கி நின்றது. பா்மா காலனி, வசந்தபுரம், எழில் நகா், தொரப்பாடி காமராஜ் நகா், அரியூா் அம்மையப்பன் நகா், சிவசக்தி நகா் ஆகிய பகுதிகளிலும் மழைநீா் குடியிருப்புகளை முழுமையாக சூழ்ந்து அங்குள்ள மக்களின் இயல்பு வாழ்க்கையை பாதிப்புக்குள்ளாக்கியது.

காட்பாடியில் காட்பாடி - சித்தூா் சாலையும், வள்ளிமலை கூட்டுரோடு சந்திக்கும் சாலை சந்திப்பில் வெள்ளம் தேங்கியதால் போக்குவரத்து பாதிக்கப்பட்டது. உடனடியாக நெடுஞ்சாலைத் துறை, மாநகராட்சி பணியாளா்கள் விரைந்து சென்று அங்குள்ள சென்டா் மீடியனை அகற்றி தண்ணீா் வெளியேறச் செய்தனா். பழைய காட்பாடி திருவலம் சாலையில் கோட்டை மாரியம்மன் கோயில் தெரு உள்பட பல்வேறு தெருக்களில் இருந்து வந்த மழைநீா் தேங்கியதால் வாகன ஓட்டிகள் கடும் அவதிக்குள்ளாகினா்.

அரியூரில் சித்தேரி ஏரியில் இருந்து தொரப்பாடி ஏரிக்கு வரும் உபரி நீா்வரத்து கால்வாயும், அம்மையப்பன் நகரை ஒட்டியுள்ள குட்டையிலிருந்து வெளியேறும் உபரிநீரை தொரப்பாடிக்கு கொண்டு செல்லும் கால்வாயும் மாயமானதால் அப்பகுதி குடியிருப்புகளை வெள்ளம் சூழ்ந்தது.

தகவலறிந்த மாநகராட்சி மேயா் சுஜாதாஆனந்தகுமாா், ஆணையா் ஜானகிரவீந்திரன், மண்டலக் குழு தலைவா் வெங்கடேசன், மாநகராட்சி பணியாளா்கள் விரைந்து சென்று அங்கு பள்ளம் வெட்டியும், மண்ணை வெட்டி விட்டும் தண்ணீா் வெளியேற வழி ஏற்படுத்தினா்.