இந்தியாவின் முன்னணி தகவல் தொழில்நுட்ப சேவை நிறுவனங்களில் ஒன்றான ஹெச்சிெல் டெக்னாலஜிஸின் ஒருங்கிணைந்த நிகர லாபம் கடந்த மாா்ச் காலாண்டில் 8.1 சதவீதம் அதிகரித்துள்ளது.
இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:
கடந்த ஜனவரி முதல் மாா்ச் வரையிலான 2024-25-ஆம் நிதியாண்டின் கடைசி காலாண்டில் நிறுவனத்தின் ஒருங்கிணைந்த நிகர லாபம் ரூ.4,307 கோடியாக உள்ளது.
முந்தைய 2023-24-ஆம் நிதியாண்டின் அதே காலாண்டுடன் ஒப்பிடுகையில் இது 8.1 சதவீதம் அதிகம். அப்போது நிறுவனம் ரூ.3,986 கோடி நிகர லாபம் ஈட்டியிருந்தது.
மதிப்பீட்டுக் காலாண்டில் வங்கியின் செயல்பாட்டு வருவாய் ரூ.28,499 கோடியிலிருந்து 6.1 சதவீதம் அதிகரித்து ரூ.30,246 கோடியாக உள்ளது என்று அந்த அறிக்கையில் குறிப்பிடப்பட்டுள்ளது.
