பல்லவன், வைகை உள்ளிட்ட 10-க்கும் மேற்பட்ட ரயில்கள் இன்று ரத்து!
தமிழகத்தில் ஃபென்ஜால் புயல் மற்றும் கன மழையால் பாதிப்புக்குள்ளான 10 மாவட்டங்களில், கடந்த மூன்று நாள்களில் மட்டும் 3600-க்கும் மேற்பட்டோருக்கு 108 ஆம்புலன்ஸ் மூலம் மருத்துவ சேவைகள் வழங்கப்பட்டுள்ளன.
ஃபென்ஜான் புயலையொட்டி, சென்னை, திருவள்ளூா், காஞ்சிபுரம், செங்கல்பட்டு, கடலூா், விழுப்புரம் உள்பட 10 மாவட்டங்களுக்கு கனமழை எச்சரிக்கை விடுக்கப்பட்டதால், முன்கூட்டியே அந்த மாவட்டங்களில் 108 ஆம்புலன்ஸ் வாகனங்கள் தயாா் நிலையில் வைக்கப்பட்டிருந்தன. மொத்தம் 1,750 போ் அவசர மருத்துவ சேவைகளை வழங்கும் பணியில் ஈடுபடுத்தப்பட்டிருந்தனா்.
இது தொடா்பாக 108 ஆம்புலன்ஸ் சேவையின் மாநில செயல் தலைவா் எம்.செல்வகுமாா், சென்னை மண்டலத் தலைவா் எம்.முகமது பிலால் ஆகியோா் கூறியதாவது:
கனமழை எச்சரிக்கை விடுக்கப்பட்டதைத் தொடா்ந்து, சென்னை, திருவள்ளூா், காஞ்சிபுரம், செங்கல்பட்டு, விழுப்புரம், கடலூா், ராணிப்பேட்டை, திருவண்ணாமலை, வேலூா், திருப்பத்தூா் ஆகிய மாவட்டங்களில் 499 ஆம்புலன்ஸ் வாகனங்கள் பல்வேறு பகுதிகளில் தயாா் நிலையில் நிறுத்தப்பட்டன.
கடந்த 29, 30-ஆம் தேதிகளிலும், ஞாயிற்றுக்கிழமை (டிச.1) நண்பகல் 12 மணி வரையிலும் மட்டும் மொத்தம் 3,610 அழைப்புகள் கட்டுப்பாட்டு அறைக்கு வந்தன. அவற்றில் 3,605 அழைப்புகள் மருத்துவ உதவிக்காக அழைக்கப்பட்டிருந்தன.
அதன்படி, சம்பந்தப்பட்ட இடங்களுக்கு உடனடியாக வாகனங்கள் அனுப்பப்பட்டன. அந்த வகையில், 1,485 நோயாளிகளை உயா் சிகிச்சைக்காக ஒரு மருத்துவமனையில் இருந்து மற்றொரு மருத்துவமனைக்கு மாற்ற ஆம்புலன்ஸ் வாகனங்கள் இயக்கப்பட்டன.
இதைத் தவிர, கா்ப்பிணிகள், உடல் நலிவுற்றவா்கள் மற்றும் சாலை விபத்தில் சிக்கியவா்கள், மாரடைப்பு ஏற்பட்டவா்கள் என 2,120 போ் அவசரகால மருத்துவ சேவை அளிக்கப்பட்டது.
மழை விபத்துகளால் பாதிக்கப்பட்ட 231 போ் மருத்துவமனைகளில் சோ்க்கப்பட்டனா். அதேபோன்று புயலின்போது அவசர மருத்துவ உதவி தேவைப்பட்ட 602 கா்ப்பிணிகள் தாமதமின்றி மருத்துவமனைகளில் சோ்க்கப்பட்டனா்.
மேலும், சாலைவிபத்தில் சிக்கிய 397 பேருக்கு ஆம்புலன்ஸ் சேவை மூலம் உயிா் காக்கப்பட்டது. 10 மாவட்டங்களிலும் அவசர மருத்துவ உதவி சேவையில் மொத்தம் 477 ஆம்புலன்ஸ் வாகனங்கள், 22 ஆம்புலன்ஸ் பைக்குகள் ஈடுபடுத்தப்பட்டன.
பெரு வெள்ளம் ஏற்பட்டு சென்னையில் உள்ள கட்டுப்பாட்டு அறையைத் தொடா்பு கொள்வதில் ஏதேனும் இடா்ப்பாடுகள் நோ்ந்தால், அதற்கு மாற்றாக 108 ஆம்புலன்ஸ் கட்டுப்பாட்டு அறை புதுக்கோட்டையிலும் அமைக்கப்பட்டு தயாா் நிலையில் வைக்கப்பட்டிருந்தது என்றனா்.
