கலிஃபோர்னியா காட்டுத் தீ..! ஆஸ்கர் தேர்வுக்கான கால அவகாசம் நீட்டிப்பு!
திருவாரூரில், தமிழ்நாடு விளையாட்டு மேம்பாட்டு ஆணையம் சாா்பில் அறிஞா் அண்ணா நெடுந்தூர ஓட்டப் போட்டி செவ்வாய்க்கிழமை நடைபெற்றது.
உடல்தகுதி கலாசாரத்தை இளைஞா்களிடையே புகுத்தும் வகையில், அனைத்து மாவட்டங்களிலும் மாரத்தான் போட்டிக்கு இணையாக அறிஞா் அண்ணா நெடுந்தூர ஓட்டப்போட்டி நடத்துவதற்கு தமிழக அரசு ஆணையிட்டுள்ளது.
அதன்படி, திருவாரூா் நகராட்சி அருகே திருவாரூா் மாவட்ட விளையாட்டுப் பிரிவு சாா்பில் 17 முதல் 25 வயதிற்குட்பட்ட மற்றும் 25 வயதுக்கு மேற்பட்ட பள்ளி, கல்லூரி மாணவ- மாணவிகள் மற்றும் பொதுமக்களுக்கு இந்த போட்டி நடைபெற்றது.
இதில்,17 வயது முதல் 25 வயதுக்குள்பட்ட ஆண்களுக்கு 8 கி.மீ. தூரமும், பெண்களுக்கு 5 கி.மீ. தூரமும், 25 வயதுக்கு மேற்பட்ட ஆண்களுக்கு 10 கி.மீ. தூரமும், பெண்களுக்கு 5 கி.மீ. தூரமும் போட்டிகள் நடத்தப்பட்டன.
முன்னதாக, மாவட்ட ஆட்சியா் தி. சாருஸ்ரீ கொடியசைத்து போட்டியை தொடங்கி வைத்தாா். ஓட்டப் போட்டியானது, திருவாரூா் நகராட்சி அலுவலகத்தில் தொடங்கி, மேலவீதி, வடக்குவீதி, கீழ வீதி, தெற்கு வீதி வழியாக மீண்டும் நகராட்சி அலுவலகத்தில் முடிவடைந்தது. இப்போட்டியில், 150-க்கும் மேற்பட்ட மாணவ- மாணவிகள், பொதுமக்கள் ஆா்வத்துடன் பங்கேற்றனா்.
நிகழ்வில், திருவாரூா் நகா்மன்றத் தலைவா் புவனப்பிரியா செந்தில், பணி நியமனக் குழு உறுப்பினா் பிரகாஷ், மாவட்ட விளையாட்டு அலுவலா் ராஜா உள்ளிட்ட அலுவலா்கள் கலந்துகொண்டனா்.
