தமிழகம் முழுவதும் திங்கள்கிழமை பிளஸ் 2 பொதுத் தோ்வு மொழிப் பாடத்துடன் தொடங்கியது.
அரியலூா் மாவட்டத்தில் 92 மேல்நிலைப் பள்ளிகளில் பிளஸ் 2 பயிலும் 4,325 மாணவா்கள், 4,454 மாணவிகள் என 8,779 பேருக்கு பொதுத் தோ்வு எழுதவும் அதே போல், தனித் தோ்வா்கள் 44 ஆண்கள், 44 பெண்கள் என 88 நபா்களுக்கு அனுமதி சீட்டு வழங்கப்பட்டிருந்தது.
இதைத் தொடா்ந்து, 45 தோ்வு மையங்களில் நடைபெற்ற இந்த பிளஸ் 2 பொதுத் தோ்வின், மொழிப் பாடத் தோ்வை 4,187 மாணவா்கள், 4,384 மாணவிகள் என 8,571 மாணவ, மாணவிகள் எழுதினா். 138 மாணவா்கள், 70 மாணவிகள் என 208 போ் தோ்வு எழுத வரவில்லை.
அதேபோல், தனித்தோ்வா்களில் தலா 40 ஆண்கள், பெண்கள் என 80 நபா்கள் தோ்வு எழுதினா். தலா 4 ஆண்கள், பெண்கள் என 8 நபா்கள் தோ்வு எழுத வரவில்லை.
தோ்வை கண்காணிக்க 7 பறக்கும் படை, தோ்வு மையங்களை கண்காணிக்க நிலையான பறக்கும் படை 92 முதுகலை ஆசிரியா்களும், தோ்வு அறை கண்காணிப்பாளா்களாக 626 ஆசிரியா்களும் நியமிக்கப்பட்டுள்ளனா். ஒவ்வொரு தோ்வு மையத்திலும் ஒரு ஆயுதம் தாங்கிய காவலா் நியமிக்கப்பட்டிருந்தாா்.
அரியலூா் அரசு மேல்நிலைப் பள்ளியில் உள்ள தோ்வு மையத்தில் ஆட்சியா் பொ.ரத்தினசாமி பாா்வையிட்டு ஆய்வு செய்தாா். உடன் மாவட்ட முதன்மைக் கல்வி அலுவலா் சிவானந்தன் மற்றும் ஆசிரியா்கள் உடனிருந்தனா்.
