அறுந்து கிடந்த மின் கம்பியை தொட்ட முதியவா் உயிரிழப்பு

நாகை அருகே அறுந்து கிடந்த மின் கம்பியைத் தொட்ட முதியவா் மின்சாரம் பாய்ந்து உயிரிழந்தாா்.

நாகை அருகே பெராவச்சேரி இந்தியன் நகா் பகுதியில் முதியவா் ஒருவா், அப்பகுதியில் அறுந்து கிடந்த மின் கம்பி அருகே இறந்து கிடப்பதாக அப்பகுதி மக்கள் போலீஸாருக்கும், மின்வாரியத்திற்கும் தகவல் தெரிவித்தனா்.

மின்வாரிய ஊழியா்கள், மின் விநியோகத்தை உடனடியாக நிறுத்தினா். போலீஸாா் முதியவரின் சடலத்தை உடகூறாய்வுக்காக அரசு மருத்துவக் கல்லூரி மருத்துவமனைக்கு அனுப்பிவைத்தனா்.

போலீஸாா் முதல்கட்ட விசாரணையில், புதன்கிழமை இரவு காற்றுடன் பெய்த மழையில் அறுந்து சாலையில் விழுந்த மின் கம்பியை முதியவா் தொட்டதில் மின்சாரம் பாய்ந்து உயிரிழந்தது தெரியவந்தது. முதியவா் அந்த பகுதியில் உள்ள பேருந்து நிறுத்தத்தில் கடந்த சில நாள்களாக தங்கியிருந்தது தெரிய வந்துள்ளது.

கீழ்வேளூா் போலீஸாா் முதியவா் யாா் ? எந்த ஊரை சோ்ந்தவா் ? என விசாரணை மேற்கொண்டுள்ளனா்.