இந்து சமய அறநிலையத்துறை சாா்பில் அறுபடை வீடுகளுக்கு பக்தா்கள் பயணம் செல்லும் வாகனத்தை ஆட்சியா் வி.ஆா்.சுப்புலட்சுமி கொடியசைத்து அனுப்பி வைத்தாா்.
இந்து சமய அறநிலையத்துறை சாா்பில் முருகப்பெருமானின் அறுபடை வீடு என போற்றப்படும் ஆறு திருக்கோயில்களுக்கு 60 வயது முதல் 70 வயதுக்குட்பட்ட 2,000 பக்தா்கள் அழைத்துச் செல்லப்படுவா் என்று கடந்த சட்டப்பேரவை கூட்டத் தொடரில் அரசு அறிவித்திருந்தது.
அதன்படி, வேலூா் இணை ஆணையா் மண்டலத்தில் உள்ள வேலூா், ராணிப்பேட்டை, திருப்பத்தூா், திருவள்ளுா் ஆகிய 4 மாவட்டங்களிலிருந்தும் விண்ணப்பங்கள் பெறப்பட்டு தகுதியுடையவா்கள் தோ்வு செய்யப்பட்டு 2-ஆம் கட்டமாக 100 பயனாளிகள் திருத்தணி சுப்பிரமணிய சுவாமி திருக்கோயிலை தலைமையிடமாக கொண்டு செவ்வாய்க்கிழமை முதல் செப்.13-ஆம் தேதி வரை அறுபடை வீடுகளுக்கு பயணம் மேற்கொள்ளப்பட உள்ளது.
அந்தவகையில் அறுபடை வீடுகளுக்கு பக்தா்கள் பயணம் செல்லும் வாகனத்தை வேலூா் புதிய பேருந்து நிலையம் செல்லியம்மன் கோயில் அருகில் ஆட்சியா் வி.ஆா்.சுப்புலட்சுமி அனுப்பி வைத்தாா்.
அப்போது, சட்டப்பேரவை உறுப்பினா் ப.காா்த்திகேயன், மேயா் சுஜாதா ஆனந்தகுமாா், வேலூா் இணை ஆணையா் (இந்து சமய அறநிலையத்துறை) அனிதா, உதவி ஆணையா் சங்கா், செயல் அலுவலா் மல்லிகா, ஆய்வா்கள் பாரி, செண்பகம் உள்பட பலா் உடனிருந்தனா்.
