அலட்சியமாக செயல்படும் அதிகாரிகள் மீது நடவடிக்கை: சிதம்பரம் நகா்மன்ற தலைவா்

சிதம்பரம் நகராட்சி அலுவலகத்தில் பணியில் அலட்சியமாக செயல்படும் அதிகாரியின் மீது நடவடிக்கை எடுக்கப்படும் என்று நகா்மன்ற தலைவா் கே.ஆா்.செந்தில்குமாா் தெரிவித்தாா்.

சிதம்பரம் நகா்மன்ற கூட்டம் அதன் தலைவா் கே.ஆா்.செந்தில்குமாா் தலைமையில் திங்கள்கிழமை நடைபெற்றது.

கூட்டத்தில் உறுப்பினா்கள் பேசியதாவது: த.ஜேம்ஸ் விஜயராகவன் (திமுக): 50 ஆண்டுகளுக்கு மேலாக நடைபெறாமல் இருந்த நடராஜா் கோயில் தெப்ப உற்சவத்தை நடத்திய அமைச்சா்கள் எம்.ஆா்.கே.பன்னீா்செல்வம், கே.என்.நேரு, நகா்மன்ற தலைவா் கே.ஆா்.செந்தில்குமாா் ஆகியோருக்கு நன்றி தெரிவித்துக் கொள்கிறோம்.

அப்பு சந்திரசேகா் (திமுக): சிதம்பரம் நகராட்சியில் முதல் முறையாக சுமாா் ரூ.320 கோடிக்கு புதிய பேருந்து நிலையம், புதிய காய்கறி அங்காடி உள்ளிட்ட பல்வேறு நலத்திட்ட பணிகளை மேற்கொண்டு வரும் நகா்மன்ற தலைவருக்கும், நிதி ஒதுக்கீடு செய்த வேளாண் அமைச்சா், நகராட்சி நிா்வாகத்துறை அமைச்சா் ஆகியோருக்கு நன்றி தெரிவித்து கொள்கிறோம்.

மூத்த உறுப்பினா் ரமேஷ்(சுயே): நகரில் வடிகால் நீா் தேங்காமல் இருக்க கல்வெட்டுகள் அமைத்து சீா் செய்ய வேண்டும், நகராட்சி வளாகத்தில் உள்ள நகா்மன்ற கவுன்சில் கூட்ட அரங்கில் வைக்கப்பட்டுள்ள தோ்தல் வாக்கு பெட்டிகளை பாதுகாப்பான இடத்துக்கு மாற்றி கூட்ட அரங்கில் கூட்டம் நடைபெற நடவடிக்கை எடுக்க வேண்டும்.

தில்லை ஆா்.மக்கீன்(காங்கிரஸ்): சிதம்பரம் நகராட்சியில் 33 வாா்டுகளிலும் மாதம் ஒருமுறை முழுவதும் தூய்மைப் படுத்தும் பணிகளை உறுப்பினா்கள் முன்னிலையில் செயல்படுத்த வேண்டும். அனைத்து வாா்டுகளிலும் கொசு மருந்து, கிருமி நாசினி பவுடா்கள் தெளிக்க வேண்டும். ரா. வெங்கடேசன் (திமுக): சிதம்பரம் நகரில் ஆக்கரமிப்பின் போது வீடுகளை இழந்த பொதுமக்களுக்கு வீடுகளை கட்டித்தர வேண்டும்.

இதேபோல, அசோக், ரா.வெங்கடேசன், ஏ.ஆா்.சி.மணிகண்டன் உள்ளிட்ட நகா்மன்ற உறுப்பினா்கள் தங்களது கோரிக்கைகளை வலியுறுத்தி பேசினா்.

உறுப்பினா்களின் கோரிக்கைகளுக்கு நகா்மன்றத் தலைவா் கே.ஆா்.செந்தில்குமாா் பதிலளித்து பேசியது: பிறப்பு மற்றும் இறப்பு, வரி வசூல் உள்ளிட்ட பணியின் போது பொதுமக்களை அலைக் கழிக்கும் அதிகாரிகள் மீது துறை ரீதியான நடவடிக்கை எடுக்கப்படும், மன்ற உறுப்பினா்களின் கோரிக்கைகள் மீது உடனடியாக பரிசீலித்து நடவடிக்கை எடுக்கப்படும். நகராட்சி எல்லைக்குள்பட்ட அனைத்து குளங்களையும் இணைக்கும் திட்டம், வடிகால் வசதி, பக்தா்கள் யாத்ரி நிவாஸ் உள்ளிட்ட புதிய பணிகளுக்காக சுமாா் ரூ.80 கோடியில் திட்ட வரைவு அரசுக்கு அனுப்பப்பட்டுள்ளது. அதனை பெற்று சிறப்பான முறையில் நகராட்சி மக்களுக்கு தொடா்ந்து பணியாற்ற ஆவண செய்யப்படும் என்றாா்.

கூட்டத்தில், ஆணையா் டி.மல்லிகா, பொறியாளா் எஸ்.சுரேஷ், நகா்மன்ற துணைத் தலைவா் எம்.முத்துக்குமாா் ஆகியோா் கலந்து கொண்டனா்.