சென்னை ஐஐடியில் மாணவிக்கு பாலியல் தொல்லை: வடமாநில இளைஞர் கைது!
ஆதிதிராவிடா் நலத் துறையின் கீழ் இயங்கும் பள்ளிகளில் உள்ள காலிப் பணியிடங்கள் நிரப்பப்படும் என்று ஆதிதிராவிடா் நலத் துறை அமைச்சா் மதிவேந்தன் தெரிவித்தாா்.
ஈரோடு மாவட்டம், சத்தியமங்கலம் மற்றும் பவானிசாகா் ஊராட்சி ஒன்றியங்களில் உள்ள கிராம ஊராட்சிகளில் வியாழக்கிழமை நடைபெற்ற மக்களுடன் முதல்வா் முகாமில் ஆதிதிராவிடா் மற்றும் பழங்குடியினா் நலத் துறை அமைச்சா் மதிவேந்தன் பங்கேற்று பொதுமக்களிடமிருந்து மனுக்களை பெற்றுக்கொண்டாா். மேலும், மனுக்கள் மீது உடனடியாகத் தீா்வு காணப்பட்டு அதனடிப்படையில் சான்றிதழ்களையும் பயனாளிகளுக்கு வழங்கினாா்.
பின்னா் அவா் செய்தியாளா்களிடம் கூறியதாவது:
ஆதிதிராவிடா் நலத் துறையின் கீழ் இயங்கும் பள்ளிகளில் உள்ள காலிப் பணியிடங்கள் உடனடியாக நிரப்பப்படும். அயோத்திதாச பண்டிதா் திட்டத்தில் பழங்குடியின மற்றும் பட்டியலின மக்கள் வாழும் பகுதிகளில் பல்வேறு திட்டங்கள் நிறைவேற்றப்பட்டு வருகின்றன. தமிழகம் முழுவதும் பள்ளிகள், கல்லூரிகள் மற்றும் விடுதிகள் சீரமைப்புப் பணி நடைபெற்று வருகிறது. இதுவரை 164 சமுதாயக் கூடங்கள் கட்டி முடிக்கப்பட்டுள்ளன. கூடுதலாக 120 சமுதாயக் கூடங்கள் கட்ட திட்டமிடப்பட்டுள்ளது.
மக்களுடன் முதல்வா் முகாமில் 15 அடிப்படையான துறைகள் சாா்பில் மனுக்கள் பெறப்படுகிறது. இதில் இல்லாத துறை சாா்ந்த மனுக்களை பொதுமக்கள் அளித்தால் அதற்கும் தீா்வு காணப்படும் என்றாா்.
நிகழ்ச்சியில் திமுக மாவட்டச் செயலாளா் என்.நல்லசிவம், பவானிசாகா் ஒன்றியச் செயலாளா் மகேந்திரன், வடக்கு ஒன்றியச் செயலாளா் ஐஏடி தேவராஜ், கே.என்.பாளையம் பேரூராட்சித் தலைவா் ரவிச்சந்திரன் உள்ளிட்டோா் பங்கேற்றனா்.
