தமிழக ஆளுநருக்கு எதிராக திண்டுக்கல் மாவட்ட திமுக சாா்பில் செவ்வாய்க்கிழமை ஆா்ப்பாட்டம் நடைபெற்றது.
திண்டுக்கல் மணிக்கூண்டு பகுதியில் நடைபெற்ற இந்த ஆா்ப்பாட்டத்துக்கு திமுக மாவட்ட அவைத் தலைவா்கள் காமாட்சி, மோகன் ஆகியோா் தலைமை வகித்தனா். ஆா்ப்பாட்டத்தின்போது, தமிழ்த் தாய் வாழ்த்தை அவமதிப்பு செய்த ஆளுநா் ஆா்.என்.ரவி ராஜிநாமா செய்ய வேண்டும். மத்திய அரசு அவரை திரும்பப் பெற வேண்டும் என்பதை வலியுறுத்தியும், ஆளுநருக்கு ஆதரவாக அதிமுக, பாஜக மறைமுக கூட்டணி செயல்படுவதைக் கண்டித்தும் முழக்கமிட்டனா்.
இந்த ஆா்ப்பாட்டத்தில் மேயா் இளமதி, துணை மேயா் ராசப்பா உள்ளிட்டோா் கலந்து கொண்டனா்.
தேனி: தேனி பங்களாமேடு திடலில் செவ்வாய்க்கிழமை நடைபெற்ற ஆா்ப்பாட்டத்துக்கு தேனி தொகுதி மக்களவை உறுப்பினா் தங்க.தமிழ்ச்செல்வன் தலைமை வகித்தாா். தேனி நகர திமுக செயலா் நாராயணபாண்டியன் முன்னிலை வகித்தாா்.
இதில் சட்டப் பேரவை மரபை மீறியதாதவும், தமிழ்த் தாய் வாழ்த்தை அவமதித்ததாகவும், அரசு விரோதப் போக்கில் செயல்படுவதாகவும், ஆளுநரை கண்டித்தும், அவா் பதவி விலக வலியுறுத்தியும் முழக்கமிட்டனா்.
உத்தமபாளையம்: தேனி திமுக தெற்கு மாவட்டம் சாா்பில், சின்னமனூரில் மாா்க்கையன்கோட்டை சுற்றுச்சாலையில் செவ்வாய்க்கிழமை நடைபெற்ற ஆா்ப்பாட்டத்துக்கு சின்னமனூா் திமுக நகரச் செயலா் முத்துக்குமாா் தலைமை வகித்தாா். சின்னமனூா் கிழக்கு ஒன்றியச் செயலா் அண்ணாதுரை முன்னிலை வகித்தாா். சின்னமனூா் நகா்மன்றத் தலைவி அய்யம்மாள்ராமு வரவேற்றாா்.
இதில் ஆளுநரைக் கண்டித்து, அவரைக் காப்பாற்று நினைக்கும் அதிமுக - பாஜக மறைமுகக் கூட்டணியை கண்டித்தும் முழக்கமிட்டனா். இதில் திரளான திமுகவினா் கலந்து கொண்டனா்.
