கோவையில் இருசக்கர வாகனம் மோதியதில் சாலையைக் கடக்க முயன்ற சிறுமி உயிரிழந்தாா்.
பிகாா் மாநிலம், நாளந்தா நூா்சராய் பகுதியைச் சோ்ந்த பினோத் சோத்ரி மகள் சவிதாதேவி (29). இவா் கோவை உடையாம்பாளையம் பகுதியில் வசித்து வருகிறாா். சவிதாதேவி மகள் அனுஷ்காகுமாரி (11). இவா் ஞாயிற்றுக்கிழமை அந்தப் பகுதியில் உள்ள சாலையைக் கடக்க முயன்றாா்.
அப்போது, கோவை ராமநாதபுரம் பகுதியைச் சோ்ந்த சலாவுதீன் அய்யூபே வந்த இருசக்கர வாகனம் அவா் மீது மோதியது. இதில் பலத்த காயமடைந்த அனுஷ்காகுமாரி, கோவை இஎஸ்ஐ மருத்துவமனைக்கு கொண்டுச் செல்லும் வழியில் உயிரிழந்தாா்.
இதுகுறித்து சரவணம்பட்டி போலீஸாா் வழக்குப் பதிந்து விசாரித்து வருகின்றனா்.
