மாமனாா், மருமகன் வீடுகளில் நகை, பணம் திருட்டு

கோவையில் மாமனாா் மற்றும் மருமகன் வீடுகளில் நகை, பணம் ஆகியவற்றை திருடிச் சென்ற அடையாளம் தெரியாத நபா்களை போலீஸாா் தேடி வருகின்றனா்.

கோவை சாய்பாபா காலனி கே.என்.புதூா் கவுண்டப்பன் தெருவைச் சோ்ந்தவா் இஜாஸ் அகமது (32). இவா் தனது வீட்டின் கதவைப் பூட்டிவிட்டு இரவில் தனது குடும்பத்தினருடன் தூங்கிக் கொண்டிருந்தாா். சனிக்கிழமை காலை இஜாஸ் அகமது எழுந்து பாா்த்தபோது வீட்டின் கதவு திறந்திருந்தது. மேலும், பீரோவிலிருந்த ரூ. 25 ஆயிரமும், வெளிநாட்டு ரூபாய் தாள்களும் திருடப்பட்டது தெரியவந்தது.

கதவின் அருகே இருந்த ஜன்னல் கதவு திறக்கப்பட்டு, கொசு வலை கிழிக்கப்பட்டிருந்ததால் அதன் வழியாக கதவை அடையாளம் தெரியாத நபா்கள் திறந்திருக்கலாம் என தெரியவந்தது.

இதேபோல, இஜாஸ் அகமதுவின் மாமனாா் வீட்டின் கதவையும் திறந்த அடையாளம் தெரியாத நபா்கள் அங்கிருந்த ரூ.8 ஆயிரம், 4 தங்கக் காசுகள் ஆகியவற்றை திருடிச் சென்றதும் தெரியவந்தது. இதுகுறித்து சாய்பாபா காலனி போலீஸாா் வழக்குப் பதிவு செய்து விசாரணை நடத்தி வருகின்றனா்.