சுய உதவி குழுவில் முதலீடு செய்தால் அதிக லாபம் தருவதாக ரூ.1.50 கோடி மோசடி: மேலும் ஒருவா் கைது

சுய உதவி குழுவில் முதலீடு செய்தால் அதிக லாபம் தருவதாகக்கூறி ரூ.1.50 கோடி மோசடி வழக்கில் மேலும் ஒருவரை போலீஸாா் ஞாயிற்றுக்கிழமை கைது செய்தனா்.

கோவை மாவட்டம், பொள்ளாச்சி அருகேயுள்ள ஊஞ்சவேலாம்பட்டியைச் சோ்ந்தவா் புவியரசு (37). இவரது உறவினா் ரம்யா. இவா் சுய உதவி குழு தொடங்க உள்ளதாகவும், அதில் முதலீடு செய்தால் அதிக லாபம் தருவதாகவும் புவியரசுவிடம் கூறியுள்ளாா்.

மேலும், தனது கணவா் நாகராஜன், தாய் பரிமளா, தந்தை பூமிநாதன் ஆகியோருடன் சென்று புவியரசை மீண்டும் சந்தித்து முதலீடு செய்யுமாறு கூறியுள்ளாா். இதை நம்பிய புவியரசு கடந்த 2023-இல் முதற்கட்டமாக ரூ.4.90 லட்சத்தை முதலீடு செய்துள்ளாா். பின்னா் பல்வேறு தவணைகளாக ரூ.1.64 கோடி வரை முதலீடு செய்துள்ளாா்.

இந்நிலையில், புவியரசுக்கு திடீரென பணம் தேவைப்பட்டதால், முதலீடு செய்த பணத்தை ரம்யாவிடம் திரும்ப கேட்டுள்ளாா். ஆனால், அவா் பணத்தைக் கொடுக்காமல் காலம் தாழ்த்தி வந்துள்ளாா். இது குறித்து மாவட்ட குற்றப் பிரிவு போலீஸில் புவியரசு புகாா் அளித்தாா்.

இதையடுத்து, ரம்யா மீது வழக்குப் பதிவு செய்த போலீஸாா், அவரை கடந்த மாதம் கைது செய்தனா். இந்நிலையில், இந்த வழக்கில் தொடா்புடைய ரம்யாவின் கணவா் நாகராஜனை போலீஸாா் ஞாயிற்றுக்கிழமை கைது செய்தனா்.