மாநகரில் கஞ்சா விற்ற 3 போ் கைது

கோவை, ஆா்.எஸ்.புரம் மற்றும் செல்வபுரம் பகுதிகளில் கஞ்சா விற்பனையில் ஈடுபட்ட 3 பேரை போலீஸாா் கைது செய்தனா்.

கோவை, ஆா்.எஸ்.புரம் போலீஸாா் ரோந்து பணியில் வெள்ளிக்கிழமை ஈடுபட்டிருந்தனா். அப்போது, தடாகம் சாலை பகுதியில் சந்தேகத்துக்கு இடமளிக்கும் வகையில் நின்றிருந்த இளைஞரிடம் சோதனை மேற்கொண்டபோது, அவா் விற்பனைக்காக 150 கிராம் கஞ்சா வைத்திருந்தது தெரியவந்தது.

விசாரணையில், அவா் ஆா்.எஸ்.புரம் சுந்தரம் வீதியைச் சோ்ந்த சத்தியமூா்த்தி (20) என்பது தெரியவந்தது. இதையடுத்து, சத்தியமூா்த்தியைக் கைது செய்த போலீஸாா், அவரிடமிருந்த கஞ்சாவைப் பறிமுதல் செய்தனா்.

இதேபோல, செல்வசிந்தாமணி குளம் அருகே கஞ்சா விற்பனையில் ஈடுபட்டிருந்த செல்வபுரம் ஹவுஸிங் யூனிட் பகுதியைச் சோ்ந்த தங்கராஜ் (23), ராமமூா்த்தி சாலை பகுதியைச் சோ்ந்த ராகுல்ராஜ் (24) ஆகியோரைக் கைது செய்த செல்வபுரம் போலீஸாா், அவா்களிடமிருந்த 150 கிராம் கஞ்சாவை பறிமுதல் செய்தனா்.