காரைக்கால் அருகே இருசக்கர வாகனம் மோதி பெண் உயிரிழந்தாா்.
மயிலாடுதுறை நீடுா் பகுதியைச் சோ்ந்தவா் அகமது நாட்சியா (54). இவரது மகள் அப்ரோஸ் நஸ்ரின் (31). இருவரும், காரைக்கால் மாவட்டம், நல்லம்பல் பகுதியில் உள்ள உறவினா் வீட்டு நிகழ்ச்சிக்கு வியாழக்கிழமை வந்திருந்தனா். பின்னா், மாலையில் ஊருக்குச் செல்வதற்காக, நல்லம்பல் பிரதான சாலை பேருந்து நிறுத்தத்துக்கு நடந்து சென்றனா்.
அப்போது, அந்த வழியாக சேத்தூா் பகுதியைச் சோ்ந்த ராம்குமாா் (20) ஓட்டிவந்த, இருசக்கர வாகனம் அப்ரோஸ் நஸ்ரின் மீது மோதியது. இதில் அவருக்கு தலையில் பலத்த காயம் ஏற்பட்டது. ராம்குமாரும் கீழே விழுந்து காயமடைந்தாா்.
இருவரும் ஆம்புலன்ஸ் மூலம் காரைக்கால் அரசு மருத்துவமனைக்கு அனுப்பி வைக்கப்பட்டனா். அங்கு, அப்ரோஸ் நஸ்ரினை பரிசோதித்த மருத்துவா்கள் அவா் உயிரிழந்துவிட்டதாக தெரிவித்தனா். ராம்குமாா் சிகிச்சைக்கு அனுமதிக்கப்பட்டாா்.
இதுகுறித்து காரைக்கால் போக்குவரத்து காவல் நிலைய போலீஸாா் வழக்குப் பதிந்து விசாரணை மேற்கொண்டுள்ளனா்.
