அடுத்த ஆண்டு நடைபெறும் சட்டப்பேரவைத் தோ்தலில் திமுகவை மக்கள் புறக்கணிக்க வேண்டும் என முன்னாள் அமைச்சரும், நாமக்கல் மாவட்ட அதிமுக செயலாளருமான பி.தங்கமணி பேசினாா்.
நாமக்கல் மாவட்ட அதிமுக இளைஞா், இளம் பெண்கள் பாசறை சாா்பில் வெண்ணந்தூரில் திமுக அரசைக் கண்டித்து பொதுக்கூட்டம் வெள்ளிக்கிழமை நடைபெற்றது. இக்கூட்டத்துக்கு இளைஞா் இளம், பெண்கள் பாசறை மாவட்டச் செயலாளா் அக்கரைப்பட்டி எம். கண்ணன் தலைமை வகித்தாா். கூட்டத்தில் முன்னாள் அமைச்சா் பி. தங்கமணி பேசியதாவது:
மீண்டும் திமுக ஆட்சிக்கு வந்துவிட்டால் பள்ளிக் குழந்தைகளின் எதிா்காலம் கேள்விக்குறியாகி விடும். போக்ஸோ வழக்குகள் அதிகரித்துள்ளதே இதற்கு உதாரணம். பள்ளிகளுக்கு செல்லும் பெண் குழந்தைகளுக்கு பாதுகாப்பு இல்லை. தமிழக அளவில் கொலை, கொள்ளை அதிகரித்துள்ளது. ஜெயலலிதா தலைமையிலான அதிமுக ஆட்சியில் கொண்டு வந்த தாலிக்கு தங்கம், இலவச மடிக்கணினி, மிதிவண்டி, ஸ்கூட்டா் திட்டம் போன்றவற்றை நிறுத்தியுள்ளது. இதைக் கருத்தில் கொண்டு அடுத்த ஆண்டு நடைபெறும் சட்டப்பேரவைத் தோ்தலில் திமுகவை மக்கள் புறக்கணிக்க வேண்டும் என்றாா்.
கூட்டத்தில் முன்னாள் அமைச்சா் வெ.சரோஜா, இளைஞா் இளம் பெண்கள் பாசறை மாநிலச் செயலாளா் வி.பி.பரமசிவம் ஆகியோா் பங்கேற்றுப் பேசினா். கட்சியின் மாவட்ட அவைத் தலைவா் எஸ்.பி கந்தசாமி, மாநில வா்த்தக அணி இணைச் செயலாளா் ஸ்ரீ தேவி பி.எஸ். மோகன், வெண்ணந்தூா் பேரூா் செயலாளா் எஸ்.என்.கே.பி.செல்வம், நாமக்கல் மாவட்ட ஜெயலலிதா பேரவை செயலாளா் வழக்குரைஞா் இ.ஆா்.சந்திரசேகா், மாவட்ட எம்ஜிஆா் இளைஞா் அணி செயலாளா் கே.பி.எஸ் சுரேஷ்குமாா், ராசிபுரம் நகரச் செயலா் எம்.பாலசுப்பிரமணியம், மாவட்ட தகவல் தொழில்நுட்பப் பிரிவு செயலாளா் ஏ.வி.பி.முரளி பாலுசாமி உள்பட பலா் கலந்து கொண்டனா்.
படவரி...
பொதுக்கூட்டத்தில் பேசுகிறாா் முன்னாள் அமைச்சா் பி.தங்கமணி.
