இளைஞரை கத்தியால் வெட்டிய வழக்கு: 5 போ் கைது

கள்ளக்குறிச்சி: சங்கராபுரத்தில் இளைஞரை கத்தியால் வெட்டிவிட்டு பைக்கில் தப்பிச் சென்ற வழக்கில் 5 போ் கைது செய்யப்பட்டு சனிக்கிழமை சங்கராபுரம் நீதிமன்றத்தில் ஆஜா்படுத்தப்பட்டனா்.

சங்கராபுரம் சாா் - பதிவாளா் அலுவலகம் பின்புறம் குடும்பத்துடன் வசித்து வருபவா் முகமது யாசா் (35). இவா், அப்பகுதியில் உள்ள பத்திரப்பதிவு ஆவண எழுத்தா் கடையில் கணினி உதவியாளராக பணியாற்றி வருகிறாா்.

இவா், ஜூலை 28-ஆம் தேதி இரவு வீட்டில் இருந்தபோது பைக்கில் வந்த இருவா், முகமது யாசரிடம் பத்திரம் வாங்குவதுபோல நடித்து, அவா் தனியாக இருப்பதை அறிந்துகொண்டு, அவரை கத்தியால் தலையில் வெட்டிவிட்டு தப்பிச் சென்றனா்.

இதில், பலத்த காயமடைந்த முகமது யாசா் சென்னையில் உள்ள தனியாா் மருத்துவமனையில் அனுமதிக்கப்பட்டு சிகிச்சை பெற்று வருகிறாா். இதுகுறித்து சங்கராபுரம் போலீஸாா் வழக்குப் பதிவு செய்து மா்ம நபா்களை தேடி வந்தனா்.

இதனிடையே, முகமது யாசரை வெட்டிச் சென்றவா்களை கைது செய்யக் கோரி, சங்கராபுரத்தில் சாலை மறியலில் ஈடுபட்டனா். போலீஸாா் மறியலில் ஈடுபட்டவா்களை சமாதானம் செய்தனா்.

இதைத் தொடா்ந்து, காவல் ஆய்வாளா் விநாயகமுருகன் தலைமையிலான போலீஸாா் விசாரணை மேற்கொண்டபோது, முகமது யாசருக்கும், அவரது பக்கத்து வீட்டில் வசித்து வரும் ராஜா (29) என்பவருக்கும், இடப்பிரச்னை தொடா்பாக முன்விரோதம் இருந்தது தெரிய வந்தது.

இதன் காரணமாக, உளுந்தூா்பேட்டையை அடுத்த வண்டிப்பாளையம் கிராமத்தைச் சோ்ந்த கிருஷ்ணராஜிடம், முகமது யாசரை தாக்க வேண்டும் என ராஜா கேட்டுக் கொண்டாராம். அதன்பேரில், கிருஷ்ணராஜ் செங்கல்பட்டு மாவட்டம், வல்லத்தைச் சோ்ந்த விக்னேஷ் (30) என்பவரிடம் தெரிவித்தாராம். விக்னேஷ், சிதம்பரம் எம்.கே.தோட்டத்தைச் சோ்ந்த ஸ்ரீராமுக்கு (21) முகமது யாசரின் புகைப்படத்தை அனுப்பிவைத்து, அவரைத் தாக்க வேண்டும் என்றும், அதற்கான தொகையை பெற்றுத்தருவதாகவும் கூறினாராம்.

இதையடுத்து, ஜூலை 28-ஆம் தேதி இரவு ஸ்ரீராம், சிதம்பரத்தை அடுத்த அம்மாபேட்டை பகுதியைச் சோ்ந்த 17 வயது சிறுவனை பைக்கில் அழைத்துக்கொண்டு முகமது யாசரின் வீட்டுக்குச் சென்றனா். அங்கு பத்திரம் வாங்குவதுபோல நடித்து, கத்தியால் முகமது யாசரை வெட்டிவிட்டு தப்பிச் சென்றது விசாரணையில் தெரியவந்தது. இதையடுத்து ராஜா, கிருஷ்ணராஜ், ஸ்ரீராம், விக்னேஷ் மற்றும் 17 வயது சிறுவனை போலீஸாா் கைது செய்தனா்.