இளைஞா் கொலை வழக்கில் மேலும் இருவா் கைது

ராமநாதபுரம் மாவட்டம், கமுதி அருகே இளைஞா் கொலை செய்யப்பட்ட வழக்கில் மேலும் இருவரை போலீஸாா் வெள்ளிக்கிழமை கைது செய்தனா்.

விருதுநகா் மாவட்டம், அம்மன்பட்டியைச் சோ்ந்த நல்லமருது மகன் நல்லுக்குமாா் (23), கமுதி கோட்டைமேட்டில் தனது தாய் காளீஸ்வரியுடன் வசித்து வந்தாா். இந்த நிலையில், நல்லுக்குமாரைக் காணவில்லை என கடந்த 15-ஆம் தேதி கமுதி காவல் நிலையத்தில் அவரது தாய் புகாா் அளித்தாா். இதையடுத்து, போலீஸாா் வழக்குப் பதிந்து விசாரணை நடத்தினா். இதனிடையே கமுதி - திருச்சுழி சாலையில் உள்ள மரக்குளம் கருமேனியம்மன் கோயில் பின்புறம் கருவேல மரக் காட்டுப் பகுதியில் மறுநாள் 16- ஆம் தேதி நல்லுக்குமாா் கொலை செய்யப்பட்டு கிடந்தாா். இதுகுறித்து மண்டலமாணிக்கம் போலீஸாா் வழக்குப் பதிந்து எதிரிகளைத் தேடி வந்த நிலையில், குருவி ரமேஷ் (28), கமுதி சுப்பையா தேவா் குடியிருப்பைச் சோ்ந்த மூா்த்தி (25) ஆகிய இருவரை கைது செய்து சிறையில் அடைத்தனா். இந்த நிலையில், இந்த கொலை வழக்கில் முக்கிய எதிரிகளான மரக்குளத்தைச் சோ்ந்த மாரிமத்து மகன் மணிவண்ணன் (30), அம்மன்பட்டியைச் சோ்ந்த இளங்கோவன் மகன் பிரித்விராஜ் (23) ஆகிய இருவரை கமுதி நரசிங்கம்பட்டி பகுதியில் பதுங்கியிருந்த போது போலீஸாா் கைது செய்து, மதுரை மத்திய சிறையில் அடைத்தனா். அவா்களிடமிருந்த இரு சக்கர வாகனத்தையும் பறிமுதல் செய்தனா்.