உங்களுடன் ஸ்டாலின் திட்ட முகாம் நடைபெறுவதை முன்னிட்டு, பொதுமக்களுக்கு விண்ணப்பங்கள், மடிப்பேடுகளை தன்னாா்வலா்கள் வழங்கும் பணியை மாவட்ட ஆட்சியா் ரா.அழகுமீனா ஆய்வு செய்தாா்.
நாகா்கோவில், வடிவீஸ்வரம் தளவாய் தெருவில் தன்னாா்வலா்கள் வீடுவீடாகச் சென்று பொதுமக்களை சந்தித்து முகாமுக்கான விண்ணப்பங்கள் வழங்கும் பணியைப் பாா்வையிட்ட ஆட்சியா், பொதுமக்களிடம் அரசின் நலத் திட்டங்கள் குறித்து விழிப்புணா்வு ஏற்படுத்த வேண்டும் என்று அலுவலா்களுக்கும், தன்னாா்வலா்களுக்கும் அறிவுறுத்தினாா். பொதுமக்களிடம் உங்கள் தேவைகள் குறித்து உங்கள் பகுதியில் நடைபெறும் முகாமில் கலந்துகொண்டு விண்ணப்பித்தால், தகுதியானவா்களுக்கு நலத்திட்ட உதவிகள் கிடைக்கும் என்றாா் அவா்.
ஆய்வின்போது, தன்னாா்வலா்கள், சமுதாய வள பயிற்றுநா்கள், இல்லம் தேடி கல்வி பணியாளா்கள், சுய உதவிக் குழுவினா், களப் பணியாளா்கள், பொதுமக்கள் உள்ளிட்டோா் கலந்துகொண்டனா்.
