உடுமலை மாரியம்மன் கோயில் தேரோட்டம்

உடுமலை மாரியம்மன் கோயில் தேரோட்டம் வியாழக்கிழமை கோலகலமாக நடைபெற்றது. இதில் ஆயிரக்கணக்கான பக்தா்கள் பங்கேற்றனா்.

உடுமலை மாரியம்மன் கோயில் சுமாா் 200 ஆண்டுகள் பெருமை வாய்ந்தது. தமிழ்நாடு இந்து சமய அறநிலையத் துறையின் கீழ் இயங்கி வரும் இந்தக் கோயிலின் தோ்த் திருவிழா ஆண்டுதோறும் சிறப்பாக கொண்டாடப்பட்டு வருகிறது.

இந்த ஆண்டு தோ்த் திருவிழா நிகழ்ச்சிகள் நோன்பு சாட்டுதலுடன் ஏப்ரல் 1-ஆம் தேதி தொடங்கியது. இதைத் தொடா்ந்து ஏப்ரல் 8-ஆம் தேதி கம்பம் போடுதல் நிகழ்ச்சியும், 10-ஆம் தேதி வாஸ்து சாந்தி, கிராம சாந்தி நிகழ்ச்சிகளும், 11-ஆம் தேதி கொடியேற்றம் நிகழ்ச்சியும் நடைபெற்றன. தொடா்ந்து பூவோடு எடுக்கும் நிகழ்ச்சி நடைபெற்றது.

அம்மன் திருக்கல்யாண நிகழ்ச்சி புதன்கிழமை மாலை நடைபெற்ற நிலையில், முக்கிய நிகழ்ச்சியான திருத்தேரோட்டம் வியாழக்கிழமை நடைபெற்றது. மாலை 4.10 மணி அளவில் உடுமலை நகரின் முக்கிய நபா்களுக்கு பரிவட்டம் கட்டும் நிகழ்ச்சி கோயில் வளாகத்தில் நடைபெற்றது. இதைத் தொடா்ந்து, மாலை 4.30 மணிக்கு தேரோட்டம் தொடங்கியது.

கோயிலின் முன் நடைபெற்ற இந்த நிகழ்ச்சியில் திருப்பூா் மாவட்ட ஆட்சியா் தா.கிறிஸ்துராஜ், பொள்ளாச்சி மக்களவை உறுப்பினா் கே.ஈஸ்வரசாமி, வருவாய் கோட்டாட்சியா் என்.குமாா் மற்றும் இந்து சமய அறநிலையத் துறை அதிகாரிகள் உடனிருந்தனா். தோ் தனது நிலையில் இருந்து 4.30 மணிக்கு தொடங்கி பழனி சாலை, தளி சாலை, வடக்குக் குட்டை வீதி, தல கொண்டம்மன் கோயில், தங்கம்மாள் ஓடை, பொள்ளாச்சி சாலை வழியாக மீண்டும் இரவு 7.30 மணிக்கு நிலை அடைந்தது.

தோ் சென்ற வழியோரங்களில் இருபுறமும் உடுமலை நகராட்சியின் சாா்பிலும், தனியாா் நிறுவனங்கள் சாா்பிலும் நீா் மோா் பந்தல்கள் ஏற்பாடு செய்யப்பட்டிருந்தன. தோ்த் திருவிழாவில் உடுமலை மற்றும் மடத்துக்குளம் பகுதிகளில் இருந்து ஆயிரக்கணக்கான பக்தா்கள் கலந்து கொண்டனா்.

இதையொட்டி நூற்றுக்கணக்கான போலீஸாா் மற்றும் ஊா்காவல் படையினா், தீயணைப்பு வீரா்கள் பாதுகாப்புப் பணிகளில் ஈடுபட்டிருந்தனா். தேரோட்டத்தையொட்டி நகரில் போக்குவரத்து மாற்றங்கள் செய்யப்பட்டிருந்தன.

இதைத் தொடா்ந்து, வெள்ளிக்கிழமை இரவு குட்டைத் திடலில் வாணவேடிக்கை நிகழ்ச்சி நடைபெற உள்ளது.