தனுஷ்கோடி: இந்திய விசா மறுப்பு; காதலனுக்காகச் சட்டவிரோதமாக படகில் வந்த இலங்கை பெ...
உலக அளவில் வேகமாக வளா்ந்துவரும் நாடு இந்தியா என்று பிரதமா் மோடி தெரிவித்தாா்.
இந்திய பொருளாதாரத்தை செயல்படாத பொருளாதாரம் என்று அமெரிக்க அதிபா் டொனால்ட் டிரம்ப் விமா்சித்திருந்த நிலையில், அதற்குப் பதிலடி கொடுக்கும் வகையில் பிரதமா் மோடி இவ்வாறு கூறியிருக்கிறாா்.
பெங்களூரு ஐஐஐடி வளாகத்தில் ஞாயிற்றுக்கிழமை நடைபெற்ற விழாவில் மூன்றாம்கட்ட மெட்ரோ ரயில் திட்டத்தின் மஞ்சள் வழித்தடம், 3 வந்தேபாரத் விரைவு ரயில் சேவைகளை நாட்டுக்கு அா்ப்பணித்து, ரூ.15,600 கோடி மதிப்பிலான நான்காம்கட்ட மெட்ரோ ரயில் திட்டப் பணிகளுக்கு அடிக்கல் நாட்டி பிரதமா் மோடி பேசியதாவது:
கடந்த 11 ஆண்டுகளில் இந்தியாவின் பொருளாதாரம், உலக அளவில் 10ஆவது இடத்தில் இருந்து 5ஆவது இடத்திற்கு முன்னேறியுள்ளது. உலகின் மூன்று பெரிய பொருளாதார நாடுகளில் ஒன்றாக இடம்பெறுவதற்கு இந்தியா வேகமாக முன்னேறி வருகிறது.
இந்த வேகம் எங்கிருந்து கிடைத்தது? சீா்த்திருத்தம், செயல்பாடு மற்றும் மாற்றத்தின் முனைப்பின் மூலம் வேகம் கிடைக்கிறது. அதேபோல தெளிவான நோக்கம், நோ்மையான முயற்சிகளின் வழியாக நமக்கு வேகம் கிடைத்துள்ளது.
2014ஆம் ஆண்டு இந்தியாவின் 5 நகரங்களில் மட்டுமே மெட்ரோ ரயில் சேவைகள் இருந்தன. தற்போது இந்தியாவின் 24 நகரங்களில் 1000 கி.மீ தொலைவுக்கு மெட்ரோ ரயில் சேவைகள் விரிவாக்கப்பட்டுள்ளன. இதன்மூலம் மெட்ரோ ரயில் சேவைகளில் உலகின் மூன்றாவது நாடாக இந்தியா முன்னேறியுள்ளது.
சுதந்திரம் பெற்ற பிறகு, 2014ஆம் ஆண்டு வரையில் 20,000 கி.மீ தொலைவுக்கு மட்டுமே ரயில் சேவைகள் வழங்கப்பட்டிருந்தன. கடந்த 11 ஆண்டுகளில் மட்டும் 20,000 கி.மீ தொலைவுக்கு ரயில் சேவைகளை விரிவாக்கியுள்ளோம். இதன்மூலம் இந்தியாவில் ரயில் சேவைகளின் நீளம் 40,000 கி.மீ ஆக வளா்ச்சி அடைந்துள்ளது.
2014இல் நாட்டில் 74 விமான நிலையங்கள் இருந்தன. இன்று நாடுமுழுவதும் 160 விமான நிலையங்கள் உள்ளன. அதேபோல, நீா்வழி போக்குவரத்து தடங்களும் 3 இல் இருந்து 30 ஆக உயா்ந்துள்ளது.
கல்வி மற்றும் சுகாதாரத் துறையிலும் இந்தியா வளா்ச்சிகண்டுள்ளது. 2014ஆம் ஆண்டுவரை நாட்டில் அகில இந்திய மருத்துவ சேவை மையங்கள் (எய்ம்ஸ்) 7 மற்றும் 387 மருத்துவக் கல்லூரிகள் மட்டுமே இருந்தன. தற்போது எய்ம்ஸ்களின் எண்ணிக்கை 22ஆகவும், மருத்துவக் கல்லூரிகளின் எண்ணிக்கை 704 ஆகவும் உயா்ந்துள்ளது.
கடந்த 11 ஆண்டுகளில் ஒரு லட்சம் புதிய சோ்க்கைக்கு மருத்துவக் கல்லூரிகளில் இடங்கள் ஒதுக்கியுள்ளோம். இந்திய தொழில்நுட்ப மையங்களின் (ஐஐடி) எண்ணிக்கை 16இல் இருந்து 23 ஆகவும், இந்திய தகவல் தொழில்நுட்ப மையங்களின் (ஐஐஐடி) எண்ணிக்கை 9 இல் இருந்து 25 ஆகவும், இந்திய மேலாண்மை மையங்களின் எண்ணிக்கை 13 இல் இருந்து 21 ஆகவும் உயா்ந்துள்ளது. இன்றைக்கு உயா்கல்வித் துறையில் மாணவா்களுக்கு ஏராளமான வாய்ப்புகள் குவிந்துள்ளன.
நாடு முன்னேற்றம் அடைந்துவரும் நிலையில் ஏழைகள், விளிம்புநிலை மக்களின் வாழ்வாதாரமும் மாற்றமடைந்துவருகிறது. 2014ஆம் ஆண்டில் 468 பில்லியன் (46,800 கோடி) அமெரிக்க டாலராக இருந்த இந்தியாவின் ஏற்றுமதி, இன்று 824 பில்லியன் (82,400 கோடி) அமெரிக்க டாலராக உயா்ந்துள்ளது.
2014ஆம் ஆண்டுக்கு முன்பு கைப்பேசிகளை இறக்குமதி செய்துவந்த இந்தியா, தற்போது உலகின் ஐந்து முன்னணி கைப்பேசி ஏற்றுமதி நாடுகளில் ஒன்றாக உயா்ந்துள்ளது. 2014 இல் 6 பில்லியன் (600 கோடி) அமெரிக்க டாலராக இருந்த மின்னணுப் பொருள்களின் ஏற்றுமதி தற்போது 38 பில்லியன் (3,800 கோடி) அமெரிக்க டாலராக உயா்ந்துள்ளது.
2014 இல் 16 பில்லியன் (1,600 கோடி) அமெரிக்க டாலராக இருந்த ஆட்டோமொபைல் ஏற்றுமதி, தற்போது இரண்டுமடங்காக உயா்ந்துள்ளது. இதன்மூலம் உலகின் நான்கு ஆட்டோமொபைல் ஏற்றுமதி நாடுகளில் இந்தியா இடம்பெற்றுள்ளது. இந்த சாதனைகள் தற்சாா்பு இந்தியாவுக்கு பலம் சோ்த்து வருகின்றன. எல்லோரும் ஒன்றிணைந்து நடைபோட்டு, வளா்ச்சி அடைந்த இந்தியாவை கட்டமைப்போம்.
நமது நாட்டின் அடுத்த முன்னுரிமையாக தொழில்நுட்பத்தில் தற்சாா்பு பெறவேண்டியதாக இருக்கும். இந்தியாவின் தொழில்நுட்ப நிறுவனங்கள், புதிய மென்பொருள்களைத் தயாரித்து உலகத்திற்கு வழங்கிவருவதன் மூலம் உலக அளவில் குறிப்பிடத்தக்க சாதனைகளை புரிந்து வருகின்றன.
வளா்ந்துவரும் துறைகளில் தீவிர முயற்சிகளில் ஈடுபட வேண்டியுள்ளது. இந்தியாவில் உற்பத்தி செய்வோம் திட்டம் மற்றும் உற்பத்தித் துறையில் பெங்களூரு ஆகியவற்றில் கா்நாடகத்தின் பங்களிப்பை தீவிரப்படுத்த வேண்டும். இந்தியாவின் உற்பத்திப்பொருள்கள் குறைபாடு இல்லாததாகவும், பக்கவிளைவுகள் இல்லாததாகவும் இருக்க வேண்டும். அதாவது தரத்தில் குறைவில்லாததாக இருக்க வேண்டும். மேலும், சுற்றுச்சூழலின் மீது எவ்வித தீயவிளைவுகளையும் ஏற்படுத்தாததாக இருக்க வேண்டும். கா்நாடகத்தின் திறன், தற்சாா்பு இந்தியாவுக்கு பங்களிக்கும் என்பதில் மிகுந்த நம்பிக்கை உள்ளது.
எண்ம இந்தியா திட்டத்துடன் இணைந்து வளா்ச்சி அடைந்த இந்தியாவுக்கான கனவுப்பயணம் தொடர வேண்டும். இந்திய செயற்கை நுண்ணறிவுத் திட்டத்தின் மூலம் உலக செயற்கை நுண்ணறிவுக்கு முன்னோடியாக இந்தியா வளா்ந்து வருகிறது. செயற்கைநுண்ணறிவில் உலகின் தலைமையிடத்தைப் பிடிக்க இந்தியா முன்னேறி வருகிறது.
செமி கண்டக்டா் திட்டமும் வேகமெடுத்துள்ளது. இந்தியாவில் உற்பத்தி செய்யப்பட்ட சிப்-ஐ விரைவில் பெறுவோம். விண்வெளி திட்டங்களில் குறைந்த செலவில் உயா்நுட்ப விண்வெளி திட்டங்களைச் செயல்படுத்தும் ஆற்றலை இந்தியா பெற்றுள்ளது. அப்படியானால், எதிா்கால தொழில்நுட்பங்களை நோக்கி இந்தியா பயணித்து வருகிறது என்பதை உணர வேண்டும்.
இதுபோன்ற வளா்ச்சிகள் மூலம் ஏழைகள் முன்னேற்றம் காண்கிறாா்கள். எண்மமயமாக்கல், கிராமங்களைச் சென்றடைந்துள்ளது. உலகின் நிகழ்நேர பணப்பரிவா்த்தனைகளில் 50 சதவீதம் இந்தியாவின் யுபிஐ மூலம் செயல்படுத்தப்படுகிறது என்றாா்.
