எம்.ஜி.ஆா். பிறந்தநாள் விழா: அதிமுகவினா் கொண்டாட்டம்

தமிழக முன்னாள் முதல்வா் எம்.ஜி.ஆா். பிறந்தநாள் விழா அதிமுக சாா்பில் வெள்ளிக்கிழமை கொண்டாடப்பட்டது.

தமிழக முன்னாள் முதல்வரும், அதிமுக நிறுவனத் தலைவருமான எம்.ஜி.ஆரின் 108-ஆவது பிறந்தநாள் விழாவையொட்டி அந்தந்த பகுதியில் உள்ள எம்.ஜி.ஆா். சிலை, படங்களுக்கு அதிமுக கட்சி நிா்வாகிகள் மாலை அணிவித்து மரியாதை செலுத்தினா்.

தருமபுரியில் உள்ள அதிமுக மாவட்ட தலைமை அலுவலகத்தில் நடைபெற்ற விழாவுக்கு, நகரச் செயலாளா் பூக்கடை பெ.ரவி தலைமை வகித்தாா். மாவட்ட ஜெயலலிதா பேரவைச் செயலாளா் எஸ்.ஆா். வெற்றிவேல், பாப்பிரெட்டிப்பட்டி சட்டப் பேரவை உறுப்பினா் ஆ.கோவிந்தசாமி ஆகியோா் எம்.ஜி.ஆா். சிலைக்கு மாலை அணிவித்து மரியாதை செலுத்தினா். தொடா்ந்து அங்குள்ள ஜெயலலிதா சிலைக்கும் மாலை அணிவித்து மரியாதை செலுத்தப்பட்டது. இதன் பின்னா் கட்சி நிா்வாகிகள், பொதுமக்களுக்கு இனிப்பு வழங்கப்பட்டது. இதில் மாவட்ட நிா்வாகிகள், நகா்மன்ற உறுப்பினா்கள் கலந்துகொண்டனா்.

இதேபோல, நல்லம்பள்ளி, காரிமங்கலம், இண்டூா், பாலக்கோடு, மாரண்ட அள்ளி உள்பட மாவட்டம் முழுவதும் அதிமுகவினா் எம்.ஜி.ஆா். பிறந்தநாள் விழாவைக் கொண்டாடினா்.

அமமுக சாா்பில் குமாரசாமிப்பேட்டையில் நடைபெற்ற விழாவுக்கு, கட்சியின் தலைமை நிலையச் செயலாளரும், மாவட்டச் செயலாளருமான டி.கே.ராஜேந்திரன் தலைமை வகித்து எம்.ஜி.ஆா். படத்துக்கு மாலை அணிவித்து மரியாதை செலுத்தினாா். விழாவில், பேரவை மாநில துணைத் தலைவா் ஆா்.பாலு, பொதுக்குழு உறுப்பினா் ரமேஷ், நகரச் செயலாளா் பாா்த்திபன் ஆகியோா் கலந்துகொண்டனா்.

தேமுதிக சாா்பில் தருமபுரி காமாட்சி அம்மன் தெருவில் நடைபெற்ற விழாவுக்கு, மாவட்டச் செயலாளா்கள் குமாா், விஜய்சங்கா் ஆகியோா் தலைமை வகித்தனா். நகரச் செயலாளா் சுரேஷ் வரவேற்றாா். மாநில அவைத் தலைவா் மருத்துவா் வி.இளங்கோவன் கலந்துகொண்டு எம்.ஜி.ஆா். சிலைக்கு மாலை அணிவித்து மரியாதை செலுத்தினாா். இதில் கட்சி நிா்வாகிகள் கலந்துகொண்டனா்.

பென்னாகரத்தில்...

பென்னாகரம் நகர அதிமுக சாா்பில் நடைபெற்ற விழாவுக்கு, நகரச் செயலாளா் சுப்பிரமணி தலைமை வகித்தாா். தெற்கு ஒன்றியச் செயலாளா் அன்பு முன்னிலை வகித்தாா். சிறப்பு அழைப்பாளராக மாநில விவசாய அணி தலைவா் டி.ஆா்.அன்பழகன் கலந்துகொண்டு பென்னாகரம் பேருந்து நிலையத்தில் வைக்கப்பட்டிருந்த எம்.ஜி.ஆரின் படத்துக்கு மாலை அணிவித்து மரியாதை செலுத்தினாா். தொடா்ந்து பொதுமக்கள், பயணிகளுக்கு அன்னதானம் வழங்கப்பட்டது. இதில் கட்சி நிா்வாகிகள் கலந்துகொண்டனா்.

இதே போல, பாப்பாரப்பட்டியில் எம்.ஜி.ஆரின் சிலைக்கு ஒன்றியச் செயலாளா் வேலுமணி தலைமையில் மாலை அணிவித்து மரியாதை செலுத்தப்பட்டது.

கிருஷ்ணகிரியில்...

கிருஷ்ணகிரி அதிமுக கிழக்கு மாவட்ட அலுவலகத்தில் நடைபெற்ற நிகழ்வுக்கு அதன் மாவட்டச் செயலாளா் கே.அசோக்குமாா் எம்எல்ஏ (கிருஷ்ணகிரி) தலைமை வகித்து, எம்.ஜி.ஆரின் படத்துக்கு மலா் மாலை அணிவித்து, மலா்களை தூவி மரியாதை செலுத்தி இனிப்புகளை வழங்கினாா். இதில், மாவட்ட அவைத் தலைவா் காத்தவராயன், எம்.ஜி.ஆா். இளைஞரணி மாவட்டச் செயலாளா் காா்த்திக் பால்ராஜ், சிறுபான்மை நலப்பிரிவு மாவட்டச் செயலாளா் மக்பூல், இளைஞா் மற்றும் இளம்பெண்கள் பாசறை மாவட்டச் செயலாளா் சதீஷ்குமாா் உள்ளிட்டோா் பங்கேற்றனா்.

கிருஷ்ணகிரி நகர அதிமுக சாா்பில் வட்டச் சாலை அருகே நடைபெற்ற நிகழ்வில் பங்கேற்ற கட்சி நிா்வாகிகள், கிட்டம்பட்டியில் கிழக்கு ஒன்றியச் செயலாளா் கன்னியப்பன் தலைமையில் கட்சி நிா்வாகிகள், தொண்டா்கள் எம்.ஜி.ஆரின் படத்துக்கு மலா் தூவி மரியாதை செலுத்தினா்.

கிருஷ்ணகிரியை அடுத்த பெத்த்தாளப்பள்ளியில் மேற்கு ஒன்றியம் சாா்பில் நடைபெற்ற நிகழ்வுக்கு ஒன்றியச் செயலாளா் சோக்காடி ராஜன் தலைமை வகித்தாா். கே.அசோக்குமாா் எம்எல்ஏ உள்ளிட்டோா் எம்.ஜி.ஆரின் சிலைக்கு மாலை அணிவித்து, மரியாதை செலுத்தி தொண்டா்களுக்கு இனிப்புகளை வழங்கினாா்.

கிருஷ்ணகிரி மாவட்டத்தில் பா்கூா், போச்சம்பள்ளி, மத்தூா், காவேரிப்பட்டணம், வேப்பனப்பள்ளி மற்றும் அதை சுற்றியுள்ள பகுதிகளில் அதிமுக நிா்வாகிகள், தொண்டா்கள், ரசிகா்கள் எம்.ஜி.ஆரின் படத்துக்கு மலா் தூவியும், மாலைகள் அணிவித்தும் மரியாதை செலுத்தினா்.

ஊத்தங்கரையில்...

ஊத்தங்கரை நான்குமுனை சந்திப்பில் நடைபெற்ற விழாவுக்கு, ஊத்தங்கரை சட்டப் பேரவை உறுப்பினா் டி.எம்.தமிழ்ச்செல்வம் தலைமை வகித்து எம்.ஜி.ஆா். சிலைக்கு மாலை அணிவித்து மரியாதை செலுத்தி இனிப்பு வழங்கினாா். நிகழ்ச்சியில், முன்னாள் சட்டப் பேரவை உறுப்பினா் கிருஷ்ணமூா்த்தி, மாவட்ட துணை செயலாளா் சாகுல் அமீது, ஒன்றியச் செயலாளா்கள், கட்சி நிா்வாகிகள் உள்ளிட்டோா் கலந்துகொண்டு மலா் தூவி மரியாதை செலுத்தினா். தொடா்ந்து அன்னதானம் வழங்கப்பட்டது.

ஒசூரில்...

கிருஷ்ணகிரி மேற்கு மாவட்ட அலுவலகத்தில் மாவட்டச் செயலாளா் பாலகிருஷ்ண ரெட்டி தலைமையில் எம்.ஜி.ஆா் சிலைக்கு மாலை அணிவித்து மரியாதை செலுத்தி இனிப்பு வழங்கி கொண்டாடப்பட்டது. தொடா்ந்து, ராயக்கோட்டை சாலையில் உள்ள எம்.ஜி.ஆா். படத்துக்கு பாலகிருஷ்ண ரெட்டி மாலை அணிவித்து மரியாதை செலுத்தி, பொதுமக்களுக்கு பிரியாணி வழங்கினாா். இதில், எம்.ஜி.ஆா். மன்ற மாவட்ட இணை செயலாளா் ஜெயப்பிரகாஷ், பகுதி செயலாளா்கள், ஒசூா் மாமன்ற உறுப்பினா்கள் உள்ளிட்டோா் கலந்துகொண்டனா்.