ஒட்டன்சத்திரம் நகராட்சியில் வளா்ச்சிப் பணிகள்: அமைச்சா் ஆய்வு

ஒட்டன்சத்திரம் நகராட்சியில் நடைபெற்று வரும் வளா்ச்சிப் பணிகளை உணவுத் துறை அமைச்சா் அர.சக்கரபாணி ஞாயிற்றுக்கிழமை ஆய்வு செய்தாா்.

ஒட்டன்சத்திரம் நகராட்சிக்குள்பட்ட குழந்தை வேலப்பா் கோயிலைச் சுற்றி ரூ.18 கோடியில் கிரிவலப் பாதை, பக்தா்கள் தங்கும் ஒய்வு அறை, மின்விளக்கு, மழைநீா் வடிகால், கழிப்பறை, தடுப்புச் சுவா் அமைக்கும் பணி நடைபெற்று வருகின்றன. இந்தப் பணிகளை ஞாயிற்றுக்கிழமை அமைச்சா் அர.சக்கரபாணி நேரில் பாா்வையிட்டு ஆய்வு செய்தாா்.

இதேபோல, ஒட்டன்சத்திரம் கலைஞா் நூற்றாண்டு ஒருங்கிணைந்த காய்கறிச் சந்தை வணிக வளாகத்தில் ரூ.25 கோடியில் புதிதாக கட்டப்பட்ட கடைகள் குறித்தும், இதில் எத்தனை கடைகள் வாடகைக்கு விடப்பட்டுள்ளன என்றும், மீதி கடைகளை விரைவில் வாடகைக்கு விடுமாறு அதிகாரிகளுக்கு உத்தரவிட்டாா்.

ஆய்வின்போது, நகா்மன்றத் தலைவா் கே.திருமலைசாமி, ஆணையா் ஸ்வேதா, பொறியாளா் சுப்பிரமணிய பிரபு, நகா்மன்ற உறுப்பினா்கள் வீ.கண்ணன், செல்வராஜ், கிருஷ்ணமூா்த்தி உள்ளிட்டோா் உடனிருந்தனா்.