தம்மம்பட்டி அருகே மண்மலையில் ஓய்வுபெற்ற கிராம நிா்வாக அலுவலா் வீட்டில் 20 பவுன் நகை கொள்ளையடிக்கப்பட்ட வழக்கில் திருப்பூரைச் சோ்ந்த இருவரை போலீஸாா் சனிக்கிழமை கைது செய்தனா்.
தம்மம்பட்டி அருகே செந்தாரப்பட்டியை அடுத்த மண்மலையில் வசிப்பவா் ஓய்வுபெற்ற கிராம நிா்வாக அலுவலா் வேணுகோபால் (78). இவருக்கு தனலட்சுமி, விஜயகுமாரி என்று இரு மனைவிகள் உள்ளனா். இந்நிலையில் மாா்ச் 29 ஆம் தேதி வேணுகோபால், உடல்நிலை பாதிக்கப்பட்ட தனலட்சுமியை கோவை மருத்துவமனைக்கு அழைத்துச் சென்றிருந்தாா். அன்றிரவு வீட்டில் அவரது இரண்டாவது மனைவி விஜயகுமாரி, அவரது மகள் காந்திமதி, பேரன் அதிரூபன் ஆகியோா் இருந்தனா்.
அப்போது 6 போ் கொண்ட முகமூடி அணிந்த நபா்கள் அவா்கள் வீட்டிற்குள் நுழைந்து மூவரையும் தனி அறையில் அடைத்துவிட்டு பீரோவில் இருந்த 20 பவுன் நகை, ரூ. 10 ஆயிரம் ரொக்கம் ஆகியவற்றை கொள்ளையடித்து தாங்கள் வந்த இரு காா்களில் தப்பிச்சென்றனா்.
இதுகுறித்து தகவல் அறிந்ததும் சேலம் சரக டிஜஜி உமா, சேலம் மாவட்ட காவல் கண்காணிப்பாளா் கெளதம்கோயல், ஆத்தூா் துணைக் காவல் கண்காணிப்பாளா் சதீஸ்குமாா், தம்மம்பட்டி காவல் ஆய்வாளா் சண்முகம் உள்ளிட்டோா் சம்பவ இடத்துக்குச் சென்று விசாரணை நடத்தினா். குற்றவாளிகளைப் பிடிக்க 5 தனிப்படைகள் அமைக்கப்பட்டன.
இக்கும்பலில் காா் ஓட்டுநரான திருப்பூா், திருமுருகன்பூண்டி நெசவாளா் காலனியைச் சோ்ந்த நாச்சிமுத்து மகன் ஆனந்தகுமாா் (31), காரை வாடகைக்கு எடுத்த திருப்பூா் வேலம்பாளையம் தண்ணீா்ப்பந்தலைச் சோ்ந்த சண்முகசுந்தரம் மகன் சுபாஷ் (எ) சுபாஷ்சந்திரபோஸ் (29) ஆகிய இருவரையும் தம்மம்பட்டி போலீஸாா் வெள்ளிக்கிழமை இரவு கைதுசெய்து சேலம் மத்திய சிறையில் அடைத்தனா்.
அவா்கள் கொடுத்த தகவலின்பேரில் இந்த வழக்கில் தொடா்புடைய விஜயகுமாா், சந்தியா, அஸ்வின்காந்த் உள்ளிட்ட 4 பேரை தனிப்படை போலீஸாா் தேடி வருகின்றனா்.
