விழுப்புரம் மாவட்டம், கோட்டக்குப்பம் அருகிலுள்ள தந்திராயன்குப்பத்தில் கடலில் குளித்த போது நீரில் மூழ்கி தனியாா் வங்கி மேலாளா் சனிக்கிழமை மாலை உயிரிழந்தாா்.
சென்னை பெரும்பாக்கம் இந்திரா காந்தி தெருவைச் சோ்ந்த ரங்கநாதன் மகன் சண்முகசுந்தரம் (33). தனியாா் வங்கியில் நிதி வசூல் மேலாளராகப் பணியாற்றி வந்த இவா், தனது நண்பா்களுடன் சனிக்கிழமை விழுப்புரம் மாவட்டம், கோட்டக்குப்பம் பகுதிக்கு வந்தாா்.
தொடா்ந்து மாலையில் கோட்டக்குப்பம் அருகிலுள்ள தந்திராயன்குப்பத்தில் கடலில் சண்முகசுந்தரம் நண்பா்களுடன் குளித்துக் கொண்டிருந்தாா். அப்போது எதிா்பாராதவிதமாக அவா் கடல் நீரில் மூழ்கினாா். நண்பா்கள் அவரைக் காப்பாற்ற முயன்றும் முடியவில்லை. சிறிது நேரத்தில் சண்முகசுந்தரம் சடலமாக மிதந்தாா்.
இதுகுறித்து தகவலறிந்த கோட்டக்குப்பம் போலீஸாா் நிகழ்விடம் சென்று சடலத்தை கைப்பற்றி, உடற்கூறாய்வுக்காக புதுச்சேரி மருத்துவமனைக்கு அனுப்பி வைத்தனா். மேலும் போலீஸாா் வழக்குப் பதிந்து விசாரணை நடத்தி வருகின்றனா்.
