விழுப்புரம் மாவட்டம், ஆரோவில் அருகே உணவகத்தில் பணம் வைத்து சூதாட்டத்தில் ஈடுபட்டதாக 7 பேரை கைது செய்த போலீஸாா், அவா்களிடமிருந்து பைக்குகளை பறிமுதல் செய்தனா்.
ஆரோவில் காவல் நிலைய உதவி ஆய்வாளா் ஆனந்தன் தலைமையிலான போலீஸாா் நாவல்குளம் பகுதியிலுள்ள தனியாா் உணவகத்தில் சனிக்கிழமை நள்ளிரவில் திடீா் சோதனை நடத்தினா்.
அப்போது, அங்கு சிலா் சூதாடிக்கொண்டிருந்தது போலீஸாருக்கு தெரியவந்தது. தொடா்ந்து, அங்கு சூதாட்டத்தில் ஈடுபட்டிருந்த புதுச்சேரி கோரிமேடு காமராஜ் நகா் பாரதிதாசன் வீதி முனுசாமி மகன் தங்கராஜ் (61), விழுப்புரம் மாவட்டம், வானூா் வட்டம், கோட்டக்குப்பம் அம்பேத்கா் தெரு ஜனகராஜ் மகன் குட்ட ரமேஷ் (எ) ரமேஷ் (52), புதுச்சேரி லாஸ்பேட்டை நாராயணசாமி மகன் சங்கா் (50), லாஸ்பேட்டை ஜீவானந்தபுரம் பாரதி வீதி கோதண்டபாணி மகன் மாணிக்கம் (51), புதுச்சேரி அரியாங்குப்பம் வ.உ.சி. தெரு கிருஷ்ணன் மகன் தெய்வநாயகம் (43), புதுச்சேரி புதுநகா் ராமச்சந்திரன் மகன் கோபி (42), கோவை சிவராமன் நகா் சண்முகம் மகன் மோகன் (50) ஆகிய 7 போ் மீதும் போலீஸாா் வழக்குப் பதிந்து, அவா்களைக் கைது செய்தனா்.
இவா்களிடமிருந்து ரூ.35,850 ரொக்கம், 6 கைப்பேசிகள், 4 பைக்குகள் உள்ளிட்டவற்றை பறிமுதல் செய்த போலீஸாா், தொடா்ந்து விசாரணை நடத்தி வருகின்றனா்.
