கடலூா் மாவட்டத்தில் 178 காவலா்களுக்கு பணியிட மாறுதல்

கடலூா் மாவட்டத்தைச் சோ்ந்த 178 காவலா்களை பணியிட மாறுதல் செய்து மாவட்ட எஸ்.பி. எஸ்.ஜெயக்குமாா் ஞாயிற்றுக்கிழமை ஆணை பிறப்பித்தாா்.

கடலூா் மாவட்டத்தில் கடலூா், சிதம்பரம், விருத்தாசலம், நெய்வேலி, சேத்தியாத்தோப்பு, பண்ருட்டி, திட்டக்குடி ஆகிய 7 உள்கோட்டங்களில் உள்ள காவல் நிலையங்கள் மற்றும் சிறப்பு பிரிவுகளில் காவலா்கள் முதல் சிறப்பு உதவி ஆய்வாளா்கள் வரை பணியாற்றி வருகின்றனா்.

தொடா்ந்து, 3 ஆண்டுகள் ஒரே காவல் நிலையத்தில் பணியாற்றி வரும் காவலா்களிடம் இருந்து பணியிட மாறுதல் சம்பந்தமாக விருப்ப மனுக்கள் பெறப்பட்டன.

அதன்படி, விருப்ப மனு அளித்தவா்கள் கடலூா் மாவட்ட ஆயுதப் படை மைதானத்துக்கு ஞாயிற்றுக்கிழமை வரவழைக்கப்பட்டனா். அங்கு, மாவட்ட எஸ்.பி. எஸ்.ஜெயக்குமாா் பணியிட மாறுதல் கோரும் காரணங்களைக் கேட்டு கவுன்சிலிங் முறையில் அவா்களின் விருப்பத்துக்கு ஏற்றவாறு 178 காவலா்களுக்கு பணியிட மாறுதல் ஆணை பிறப்பித்தாா்.

நிகழ்வின்போது, கூடுதல் காவல் கண்காணிப்பாளா் என்.கோடீஸ்வரன், துணை காவல் கண்காணிப்பாளா்கள் ரூபன்குமாா், ராஜா, பாலகிருஷ்ணன், விஜிகுமாா், லாமேக், ராதாகிருஷ்ணன், மோகன், பாா்த்திபன், காவல் அலுவலக நிா்வாக அலுவலா் சிவக்குமாா் உள்ளிட்டோா் உடனிருந்தனா்.