செய்திகள் :

Sofiya Qureshi: `உங்க முதலை கண்ணீரை நம்ப தயாராக இல்லை’ - பாஜக அமைச்சருக்கு உச்ச நீதிமன்றம் குட்டு

post image

`பாகிஸ்தான் தீவிரவாதிகளுக்கு அவர்களுடைய சகோதரியை வைத்து பதில் சொல்லி இருக்கிறோம்’ என ராணுவ அதிகாரி சோபியா குரேஷியாவை மத்திய பிரதேச மாநில அமைச்சர் விஜய் ஷா மிக மோசமான முறையில் பேசி இருந்தார். ராணுவ அதிகாரி சோபியா குரேஷி இஸ்லாமிய மதத்தைச் சேர்ந்தவர் என்பதால் தான் இவர் இவ்வளவு கீழ்த்தரமான ஒப்பிடை செய்திருந்தார். இது தொடர்பான வீடியோக்கள் வெளியாகி பெரும் பரபரப்பு ஏற்படுத்தி இருந்ததோடு, விஜய் ஷாவிற்கு எதிராகவும் பல்வேறு தரப்பிலிருந்தும் கண்டனங்கள் எழுந்தது .

பாஜக அமைச்சர் குன்வர் விஜய் ஷா
பாஜக அமைச்சர் குன்வர் விஜய் ஷா

இந்த விவகாரம் தொடர்பாக தானாக முன்வந்து வழக்கு பதிவு செய்த மத்திய பிரதேச உயர் நீதிமன்றம் அமைச்சருக்கு எதிராக கடுமையான கண்டனங்களை தெரிவித்ததோடு, அமைச்சருக்கு எதிராக முதல் தகவல் அறிக்கை பதிவு செய்ய உத்தரவு பிறப்பித்து இருந்தது. அதன் அடிப்படையில் முதல் தகவல் அறிக்கை பதிவு செய்த மத்திய பிரதேச காவல்துறையினர், அதில் பல்வேறு முக்கிய தகவல்களை தெரிவிக்காமல் இருந்ததைடுத்து காவல்துறையினருக்கும் மத்திய பிரதேச உயர் நீதிமன்றம் கண்டனங்களை தெரிவித்திருந்தது.

இந்நிலையில் மத்திய பிரதேச உயர் நீதிமன்ற உத்தரவுக்கு எதிராக அமைச்சர் விஜய் ஷா உடனடியாக உச்ச நீதிமன்றத்தில் மேல்முறையீடு செய்திருந்தார்.

இந்த மனு மீதான விசாரணை உச்ச நீதிமன்ற நீதிபதிகள் சூரியகாந்த் மற்றும் கோடீஸ்வர் சிங் ஆகியோர் அடங்கிய அமர்வு முன்பு விசாரணைக்கு வந்தது. அப்போது அமைச்சர் சார்பில் ஆஜரான மூத்த வழக்கறிஞர், `அமைச்சர் தனது செயலுக்காக வருத்தம் தெரிவித்திருக்கிறார்’ என்றும் `பொதுவெளியில் அனைவரிடமும் மன்னிப்பு கோரி இருக்கிறார்’ என்றும் கூறினார்.

பெகாசஸ் வழக்கு: உச்ச நீதிமன்றம்
பெகாசஸ் வழக்கு: உச்ச நீதிமன்றம்

`முதலை கண்ணீரை நம்புவதற்கு தயாராக இல்லை’

அதை ஏற்க மறுத்த உச்ச நீதிமன்ற நீதிபதிகள், `மிக மிக மோசமான வார்த்தைகளை பேசிவிட்டு இப்போது மன்னிப்பு கேட்பதாக நீங்கள் கூறுவதை ஒருபோதும் ஏற்க முடியாது. மன்னிப்பு வழங்குவதற்கான அருகதை இல்லாத பேச்சை நீங்கள் பேசி இருக்கிறீர்கள். ஒரு பெண் ராணுவ அதிகாரி குறித்து மிகவும் மோசமான முறையில் உங்களது பேச்சு இருந்திருக்கிறது. உங்களுக்கு எதிராக வழக்கு தொடரப்பட்டிருக்கிறது என்பதற்காகத் தான் அதிலிருந்து விடுபடுவதற்காக மன்னிப்பு கேட்கிறீர்கள். உங்களது இந்த முதலை கண்ணீரை நம்புவதற்கு நாங்கள் தயாராக இல்லை.

எனவே உங்களது மன்னிப்பை நாங்கள் முழுமையாக நிராகரிக்கிறோம். பொது வாழ்க்கையில் உள்ள ஒரு அமைச்சர் மற்றவர்களுக்கு முன் உதாரணமாக இருக்க வேண்டும்.

எனவே நீங்கள் உங்களுக்கு எதிராக தாக்கல் செய்யப்பட்டிருக்க கூடிய வழக்கை சந்தித்தே தீர வேண்டும்” என காட்டமாக கூறினார்கள்

நியாயமாக நடந்து கொள்ளுங்கள்

மேலும் அமைச்சரின் பேச்சு குறித்து விரிவாக விசாரணை நடத்த சிறப்பு குழுவை நாளை காலை 10 மணிக்குள் அமைக்க மத்திய பிரதேச டிஜிபிக்கு உத்தரவிட்ட நீதிபதிகள், `வெளி மாநிலத்தை சேர்ந்த ஐஜி தலைமையில் இந்த குழு இருக்க வேண்டும். இதில் உள்ள உறுப்பினர்கள் மாவட்டக் கண்காணிப்பாளர்கள் அல்லது அதற்கு மேல் இருப்பவர்களாக இருக்க வேண்டும். அவர்களும் மத்திய பிரதேசத்தை சேர்ந்த காவல்துறை அதிகாரிகளாக இருக்கக் கூடாது’ என தெளிவுபடுத்தினர் மேலும்

கர்னல் சோபியா- குன்வார் விஜய் ஷா
கர்னல் சோபியா- குன்வார் விஜய் ஷா

இந்தக் குழு இந்த விவகாரம் தொடர்பான விசாரணையை நடத்தி வரும் மே 28ஆம் தேதிக்குள் அறிக்கையை தாக்கல் செய்ய வேண்டும் என கூறி வழக்கின் விசாரணையை ஒத்தி வைத்தனர். மேலும் அமைச்சரை கைது செய்வதற்கு இடைக்கால தடையும் பிறப்பித்தனர்.

வழக்கு விசாரணையின் போது மத்திய பிரதேச மாநில அரசையும் கடுமையாக கடிந்து கொண்ட நீதிபதிகள், `உங்களது முதல் தகவல் அறிக்கையில் எந்த விவரமும் இல்லாமல் இருந்தது பற்றி மத்திய பிரதேச உயர் நீதிமன்றம் தலையிட்டு இருக்கிறது. ஒரு மாநில அரசு என்றால் அது மக்களுக்கு ஆதரவாக இருக்க வேண்டும். நியாயமாக நடந்து கொள்ளுங்கள்’ என காட்டமாக கூறியிருந்தனர்

"இந்தியா ஒன்றும் தர்மசாலை அல்ல" - இலங்கை தமிழர் மனுவில் உச்ச நீதிமன்றம்!

இலங்கை நாட்டைச் சேர்ந்தவரின் அடைக்கலம் கோரும் மனு மீதான விசாரணையின்போது, இந்தியா ஒன்றும் தர்மசாலை அல்ல என உச்ச நீதிமன்றம் கூறியுள்ளது பேசு பொருளாகியுள்ளது. நீதிபதி தீபங்கர் தத்தா மற்றும் நீதிபதி கே வி... மேலும் பார்க்க

முல்லைப் பெரியாறு அணை : `கேரளா அரசு சீரமைப்பு பணிகளை மேற்கொள்ள வேண்டும்’ - உச்ச நீதிமன்றம்

முல்லைப் பெரியாறு அணைப்பகுதியில் தமிழ்நாடு அரசு அதிகாரிகள் பராமரிப்பு பணிகளை மேற்கொள்ள விடாமல் கேரள அரசு தொடர்ந்து தொல்லை கொடுத்து வந்தது. கேரளா அரசின் நடவடிக்கைகளுக்கு எதிராக தமிழ்நாடு அரசு உச்ச நீதி... மேலும் பார்க்க

`ஓய்வு பெறும் உயர் நீதிமன்ற நீதிபதிகளுக்கு ஒரே மாதிரியான ஓய்வூதியம்’ - உச்ச நீதிமன்றம் அதிரடி

உயர் நீதிமன்ற நீதிபதிகள் ஓய்வு பெற்றதற்கு பிறகு அவர்களுக்கு வழங்கப்படும் ஓய்வூதியங்களில் பல்வேறு பாகுபாடுகள் இருப்பதாக குற்றச்சாட்டு எழுந்தன. குறிப்பாக வழக்கறிஞர்களாக இருந்து நீதிபதிகளாக பதவி ஏற்கும் ... மேலும் பார்க்க

NEET: `கரண்ட் கட் ஆனதால் பாதிப்பு' - மாணவி வழக்கு; ரிசல்ட் வெளியிட தடை விதித்த உயர்நீதிமன்றம்!

`நீட் தேர்வின் போது ஏற்பட்ட மின்வெட்டால், தேர்வில் தனது செயல்திறன் பாதிக்கப்பட்டது' என மாணவியொருவர் அளித்த புகாரை விசாரித்த மத்தியப் பிரதேச உயர்நீதிமன்றத்தின் இந்தூர் அமர்வு, 2024 நீட்-யுஜி தேர்வு முட... மேலும் பார்க்க

மா.சு மீதான வழக்கு: `விசாரணைக்கு ஒப்புதலை யாரிடம் பெறவேண்டும்?' - உச்ச நீதிமன்றத்தில் எழுந்த கேள்வி

மா. சுப்பிரமணியன் மேயராக இருந்தபோது செய்ததாகச் சொல்லப்படும் ஊழல் குற்றச்சாட்டுக்கு அவரை விசாரிப்பதற்கான ஒப்புதலை அரசிடம் பெற வேண்டுமா? அல்லது சபாநாயகர் இடம் பெற வேண்டுமா? என்ற முக்கிய கேள்வியை உச்ச நீ... மேலும் பார்க்க

`கணவரின் திருமணம் மீறிய உறவு; மனைவியை தற்கொலைக்கு தூண்டிய குற்றமாக கருத முடியாது’- டெல்லி நீதிமன்றம்

கடந்த ஆண்டு டெல்லியில் திருமணமாகி ஐந்து ஆண்டுகள் ஆன நிலையில் பெண் ஒருவர் தற்கொலை செய்துகொண்டார். அவர் குடும்பத்தினர் கொடுத்த புகாரில், 'எங்கள் பெண்ணின் கணவருக்கு அலுவலகத்தில் பணிபுரியும் பெண்ணுடன் திர... மேலும் பார்க்க