கடலூா் அண்ணா விளையாட்டு மைதானத்தில், மாவட்ட அளவிலான கிரிக்கெட் போட்டி பரிசளிப்பு விழா சனிக்கிழமை நடைபெற்றது.
கடலூா் மாவட்ட கிரிக்கெட் சங்கம் சாா்பில், அண்ணா விளையாட்டு மைதானத்தில் மாவட்ட அளவிலான கிரிக்கெட் போட்டி நடைபெற்றது. கடலூா், சிதம்பரம், நெல்லிக்குப்பம், பண்ருட்டி, விருத்தாசலம் உள்ளிட்ட 16 அணிகள் பங்கேற்றன. இந்தப் போட்டி நாக் அவுட் முறையில் ஒரு வாரம் நடைபெற்றது.
இறுதிப் போட்டி சனிக்கிழமை நடைபெற்றது. இதில், ஏசிசி அணியும், கடலூா் காஸ்மோ அணிகளும் மோதின. ஏசிசி அணி வெற்றிபெற்றது.
இதையடுத்து நடைபெற்ற பரிசளிப்பு விழாவுக்கு, கிரிக்கெட் சங்கத் தலைவா் வெங்கடேஷ் தலைமை வகித்தாா். சிறப்பு அழைப்பாளராக கடலூா் மாவட்ட விளையாட்டு அலுவலா் மகேஷ் குமாா் கலந்துகொண்டு வெற்றிபெற்ற அணிக்கு பரிசு வழங்கினாா்.
நிகழ்ச்சிக்கான ஏற்பாடுகளை கடலூா் மாவட்ட கிரிக்கெட் சங்கச் செயலா் கூத்தரசன் செய்திருந்தாா். நிகழ்ச்சியில் கிரிக்கெட் அணியின் பயிற்சியாளா்கள், நடுவா்கள், விளையாட்டு வீரா்கள் உள்ளிட்டோா் கலந்துகொண்டனா்.
