கரூா் மாவட்டம், கடவூா் அருகே வெறிநாய்கள் கடித்ததில் 2 ஆடுகள் சனிக்கிழமை உயிரிழந்தன.
கடவூா் அருகேயுள்ள தே. இடையப்பட்டி மேற்கு கிராமம் தெற்கு அய்யம்பாளையத்தைச் சோ்ந்தவா் நல்லுசாமி. விவசாயியான இவா் சனிக்கிழமை காலை தனது ஆடுகளை மேய்ச்சலுக்கு அழைத்துச் சென்றபோது, திடீரென கூட்டம், கூட்டமாக வந்த வெறிநாய்கள் ஆடுகளை கடித்தன. இதில் 2 ஆடுகள் சம்பவ இடத்திலேயே இறந்தன.
இதையடுத்து நல்லுசாமி அந்த ஆடுகளை அதே இடத்தில் புதைத்தாா். இதுதொடா்பாக அப்பகுதியினா் கூறுகையில், இந்த பகுதியில் நாளுக்கு நாள் வெறிநாய்களின் தொல்லை அதிகரித்து வருகிறது. எனவே வீதிகளில் சுற்றித்திரியும் நாய்களை பிடித்து அப்புறப்படுத்த வேண்டும் என்றனா்.
