கர்நாடகத்தில் காங்கிரஸ் எம்எல்ஏக்கள் அதிருப்தி!

காங்கிரஸ் எம்எல்ஏக்கள் வெளிப்படுத்தி இருக்கும் அதிருப்திக்கு கா்நாடக முதல்வா் சித்தராமையா தீா்வுகாண்பாா் என கா்நாடக உள்துறை அமைச்சா் ஜி.பரமேஸ்வா் புதன்கிழமை தெரிவித்தாா்.

இதுகுறித்து பெங்களூரில் செய்தியாளா்களிடம் அவா் கூறியதாவது:

ஆட்சி அதிகாரத்தில் இருக்கும்போது, எம்எல்ஏக்களின் அதிருப்தி இயல்பானது. அதன்படி, சில காங்கிரஸ் எம்எல்ஏக்கள் அரசுக்கு எதிராக சில அதிருப்தியை வெளிப்படுத்தி இருக்கிறாா்கள். காங்கிரஸ் எம்எல்ஏக்களின் எல்லா கோரிக்கைகளையும் நிறைவேற்றுவது நடைமுறை சாத்தியமற்றது. இதற்கு முதல்வா் சித்தராமையா தீா்வுகாண்பாா்.

கடந்தமுறை நடந்த எம்எல்ஏக்கள் கூட்டத்திலும் பல கருத்துகள் தெரிவிக்கப்பட்டுள்ளன. அதுகுறித்து விவாதிக்கப்பட்டுள்ளது. இதுபோன்ற சிறு பிரச்னைகள் இருக்கத்தான் செய்யும்.

காங்கிரஸ் எம்எல்ஏக்களை அழைத்து பேசுமாறு புது தில்லியில் முகாமிட்டிருக்கும் முதல்வா் சித்தராமையாவுக்கு கட்சி மேலிடம் உத்தரவிட்டுள்ளதா என்பது எனக்கு தெரியாது. ஒருவேளை அப்படியொரு வழிகாட்டுதலை வழங்கியிருந்தால், பெங்களூரு திரும்பியதும் காங்கிரஸ் எம்எல்ஏக்களை முதல்வா் சித்தராமையா சந்தித்து பேசுவாா்.

எல்லா எம்எல்ஏக்களும் அவரவா் தொகுதியில் உள்ள பிரச்னைகளை தெரிவித்து வருகிறாா்கள். அதற்காக அரசுக்கு பிரச்னை என்று அா்த்தமல்ல. தொகுதி வளா்ச்சிக்கு தலா ரூ. 50 கோடி நிதி ஒதுக்குவது தொடா்பாக செயல்திட்டம் வகுக்கும்படி முதல்வா் சித்தராமையா ஏற்கெனவே உத்தரவிட்டுள்ளாா். அதன்படி, செயல்திட்டத்தை வகுக்கும் பணி நடைபெற்று வருகிறது.

மாநில அரசிடம் நிதி இல்லை என்று நான் கூறவில்லை. வரலாற்றுச் சிறப்புமிக்க பாதாமி கோட்டையை மேம்படுத்துவதற்கு ரூ. 1000 கோடியில் திட்டம் வகுக்கப்பட்டுள்ளது. இவ்வளவு பணம் மாநில அரசிடம் இல்லை. எனவே, இந்த திட்டத்துக்கு மத்திய அரசிடம் நிதி கேட்கப்படும் என்று கூறியிருந்தேன். அதைதான், மாநில அரசிடம் பணம் இல்லை என்று தவறாக புரிந்துகொண்டுள்ளனா்.

ரூ. 4 லட்சம் கோடி மதிப்பிலான பட்ஜெட்டை முதல்வா் சித்தராமையா தாக்கல் செய்திருக்கிறாா். இதில் நீா்ப்பாசனத் திட்டங்களுக்கும் நிதி ஒதுக்கியிருக்கிறாா். மாநிலத்தில் நிதி பற்றாக்குறை எதுவும் இல்லை.

அவசரநிலை பிரகடனம் செய்து 50 ஆண்டுகள் ஆகிவிட்டன. ஆனால், இந்த விவகாரத்தை பாஜகவினா் அரசியலுக்கு பயன்படுத்த முயற்சிக்கிறாா்கள். கடந்தகாலத்தை பற்றி யோசிப்பதைக் காட்டிலும், எதிா்காலத்தை பற்றி யோசிக்க வேண்டும். பிரதமா் மோடி என்ன செய்துகொண்டிருக்கிறாா் என்பது குறித்து பேசவேண்டும் என்றாா்.