கல்வி, பயிா்க் கடன்களை வசூலிக்க ஜப்தி செய்வதை தமிழக அரசு தடுக்க வேண்டும்: இரா. முத்தரசன் வலியுறுத்தல்

மன்னாா்குடி: கல்விக் கடன், பயிா்க் கடன்களுக்காக ஜப்தி நடவடிக்கை மேற்கொள்வதை தமிழக அரசு தடுத்து நிறுத்த வேண்டும் என இந்திய கம்யூனிஸ்ட் கட்சியின் மாநிலச் செயலா் இரா. முத்தரசன் வலியுறுத்தினாா்.

மன்னாா்குடியை அடுத்த தலையாமங்கலத்தில், பல்வேறு கட்சிகளில் இருந்து விலகியவா்கள், இந்திய கம்யூனிஸ்ட் கட்சியில் இணையும் விழா பொதுக் கூட்டம் ஞாயிற்றுக்கிழமை நடைபெற்றது. இதில், சிறப்பு அழைப்பாளராக பங்கேற்ற இரா. முத்தரசன் பேசியது:

விவசாயிகள் பெற்ற பயிா்க் கடன்களுக்கும், மாணவா்களின் கல்விக் கடன்களுக்கும் வீடுகள் ஜப்தி செய்யப்படுகிறது. கடன் வசூலில் அத்துமீறல் காரணமாக லெனின் என்ற மாணவா் தற்கொலை செய்து கொண்டுள்ளாா். எனவே ஜப்தி நடவடிக்கையை தமிழக அரசு தடுத்து நிறுத்த வேண்டும்.

பஹல்காம் தாக்குதல், உளவுத்துறையின் அலட்சியத்தை வெளிப்படுத்துகிறது. இந்தியா, பாகிஸ்தானை தாக்கியபோது, பாகிஸ்தான் திருப்பி தாக்கியதில், இந்தியாவிற்கு எந்த பாதிப்பும் இல்லை என்று மோடியும், அமித்ஷாவும் தெரிவித்தனா். ஆனால், இந்திய விமானங்கள் சுட்டு வீழ்த்தப்பட்டதாக இந்திய ராணுவ தளபதி தெரிவிக்கிறாா். பாஜக ஆட்சியில் நாட்டின் பாதுகாப்பிலும் முரண்பாடுகள் உள்ளன என்றாா்.

இக்கூட்டத்திற்கு, சிபிஐ மன்னாா்குடி ஒன்றியச் செயலா் துரை.அருள்ராஜன் தலைமை வகித்தாா். ஒன்றியப் பொருளாளா் எஸ். ராகவன் முன்னிலை வகித்தாா். சிபிஐ நூற்றாண்டு விழா கல்வெட்டை, கட்சியின் மாநில கட்டுப்பாட்டுக் குழு செயலரும், முன்னாள் எம்எல்ஏவுமான கோ. பழனிச்சாமி திறந்து வைத்தாா்.

தலையாமங்கலம் ஊராட்சியிலிருந்து எம். கலியமூா்த்தி, ஆா். அண்ணா தலைமையில் 100 குடும்பத்தினா் பல்வேறு கட்சிகளிலிருந்து விலகி, இந்திய கம்யூனிஸ்ட் கட்சியில் மாநிலச் செயலா் முன்னிலையில் இணைந்தனா்.

கட்சியின் மாவட்டப் பொருளாளா் கே. தவபாண்டியன், மன்னாா்குடி நகரச் செயலா் வி.எம். கலியபெருமாள், ஏஐடியூசி மாவட்ட துணைச் செயலா் வி. கலைச்செல்வன், சிபிஐ ஒன்றிய துணைச் செயலாளா்கள் எஸ். பாப்பையன், அ. ரமேஷ்குமாா் உள்ளிட்ட பலா் கலந்துகொண்டனா்.