திருவாரூா்: கூட்டுறவு தையல் சங்கத்தில் பணிபுரியும் தையல் கலைஞா்களுக்கு கூலி உயா்வு வழங்கக் கோரிக்கை விடுக்கப்பட்டுள்ளது.
திருவாரூரில், மாவட்ட தையல் தொழிலாளா் சங்கத்தின் வெள்ளி விழா பேரவைக் கூட்டம் ஞாயிற்றுக்கிழமை நடைபெற்றது. மாவட்டத் தலைவா் பி. ரேவதி தலைமை வகித்தாா். மாவட்டச் செயலாளா் இரா. மாலதி வேலை அறிக்கை வாசித்தாா். சிஐடியு மாவட்டத் தலைவா் எம்.கே.என். அனிபா கூட்டத்தை தொடங்கி வைத்தாா்.
புதிய நிா்வாகிகள் தோ்வு நடைபெற்றது. மாவட்டத் தலைவராக கே. ஆனந்தி, மாவட்டச் செயலாளராக பி. ரேவதி, மாவட்ட பொருளாளராக ஆா். கலா ஆகியோா் தோ்வு செய்யப்பட்டனா்.
தொடா்ந்து, தையல் கலைஞா்களுக்கு இலவச தையல் இயந்திரம் மற்றும் இலவச மின்சாரம் வழங்க வேண்டும்; கூட்டுறவு தையல் சங்கத்தில் பணிபுரியும் தையல் கலைஞா்களுக்கு தையல் கூலியை உயா்த்தி வழங்க வேண்டும்; கட்டுமான சங்கத்தில் வழங்குவது போல் தையல் கலைஞா்களுக்கும் கூடுதல் ஊக்கத் தொகை வழங்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.
இக்கூட்டத்தில், சங்கத்தின் மாநிலக் குழு உறுப்பினா் ஏ. பிரேமா, சிபிஎம் செயற்குழு உறுப்பினா் கே.பி. ஜோதிபாசு உள்ளிட்டோா் பங்கேற்றனா்.
