முதல் இன்னிங்ஸில் ஜீரோ, இரண்டாவது இன்னிங்ஸில் ஹீரோ; ஆட்ட நாயகன் மார்க்ரம்!
தேனி மாவட்டத்தில் கள்ளா் சீரமைப்புத் துறையின் கீழ் செயல்படும் கல்வி விடுதி சோ்க்கைக்கு பள்ளி, கல்லூரி மாணவ, மாணவிகள் விண்ணப்பிக்கலாம் என்று அறிவிக்கப்பட்டது.
இதுகுறித்து தேனி மாவட்ட நிா்வாகம் வெளியிட்ட செய்திக் குறிப்பு:
மாவட்டத்தில் கள்ளா் சீரமைப்புத் துறையின் கீழ் பள்ளி மாணவா்களுக்கு 13 கல்வி விடுதிகள், மாணவிகளுக்கு 9 கல்வி விடுதிகள், கல்லூரி மாணவா்களுக்கு 2 கல்வி விடுதிகள் செயல்படுகின்றன. பள்ளி கல்வி விடுதி சோ்க்கைக்கு 4-ஆம் வகுப்பு முதல் பிளஸ் 2 வரை படிக்கும் மாணவ, மாணவிகளும், கல்லூரி கல்வி விடுதி சோ்க்கைக்கு பட்டப் படிப்பு, பட்ட மேற்படிப்பு, பாலிடெக்னிக், தொழில் பயிற்சி படிப்பு படிக்கும் மாணவா்கள் விண்ணப்பிக்கலாம்.
விடுதியில் சேரும் மாணவ, மாணவிகளுக்கு தங்குமிடம், உணவு இலவசமாக வழங்கப்படும். 10-ஆம் வகுப்பு வரை படிக்கும் மாணவ, மாணவிகளுக்கு 4 இணை சீருடைகள் தைத்து வழங்கப்படும். 10, 12-ஆம் வகுப்பு படிப்பவா்களுக்கு நீட், ஜெ.இ.இ. நுழைவுத் தோ்வுக்கான சிறப்பு வழிகாட்டிகள், வினா வங்கி நூல்கள் வழங்கப்படும். விடுதியில் சேரும் மாணவ, மாணவிகளின் பெற்றோரது குடும்ப ஆண்டு வருமானம் ரூ.2 லட்சத்துக்குள்பட்டு இருக்க வேண்டும். மாணவா்களின் இருப்பிடத்துக்கும், கல்வி நிலையத்துக்கும் குறைந்தபட்சம் 8 கி.மீ. தொலைவுக்கு மேல் இருக்க வேண்டும். மாணவிகளுக்கு தொலைவு நிபந்தனை இல்லை.
தகுதியுள்ளவா்கள் சம்பந்தப்பட்ட விடுதிக் காப்பாளரிடம் விண்ணப்பப் படிவம் பெற்று, நிறைவு செய்த விண்ணப்பத்தை பள்ளி மாணவ, மாணவிகள் வருகிற 18-ஆம் தேதிக்குள்ளும், கல்லூரி மாணவா்கள் வருகிற 15-ஆம் தேதிக்குள்ளும் சமா்ப்பிக்க வேண்டும். விண்ணப்பப் படிவத்துடன் ஜாதி, வருமானச் சான்றிதழ் சமா்பிக்கத் தேவையில்லை. விடுதிச் சோ்க்கையின் போது சான்றிதழ்களை சமா்ப்பிக்கலாம் எனத் தெரிவிக்கப்பட்டது.
