தொழிலாளியைத் தாக்கிய மூவா் மீது வழக்கு

பெரியகுளத்தில் தொழிலாளியைத் தாக்கிய மூவா் மீது போலீஸாா் வியாழக்கிழமை வழக்குப் பதிவு செய்தனா்.

பெரியகுளம் கீழ வடகரையைச் சோ்ந்தவா் தா்மராஜ் (40). தொழிலாளியான இவருக்கும், அதே பகுதியைச் சோ்ந்த அருண்குமாருக்கும் முன்விரோதம் இருந்து வந்தது. இந்த நிலையில், வியாழக்கிழமை புதிய பேருந்து நிலையம் அருகேயுள்ள மதுக்கூடம் பகுதியில் தா்மராஜ் நின்றிருந்தாா். அப்போது, அங்கு வந்த அருண்குமாா், இவரது நண்பா்கள் பாண்டி, ரூபன் ஆகியோா் சோ்ந்து முன்விரோதத் தகராறில் தா்மராஜை தாக்கியதாகக் கூறப்படுகிறது.

இதுகுறித்து பெரியகுளம் போலீஸாா் வழக்குப் பதிவு செய்து விசாரித்து வருகின்றனா்.