காரைக்காலில், ஜிப்மா் மருத்துவா்கள் பங்கேற்கும் சிறப்பு மருத்துவ பரிசோதனை முகாம் சனிக்கிழமை (ஜூலை 26) நடைபெறுகிறது.
இதுகுறித்து காரைக்கால் ஆட்சியா் அலுவலகம் வெளியிட்ட செய்திக் குறிப்பு:
காரைக்காலுக்கு ஒவ்வொரு மாதமும் 2 சனிக்கிழமைகளில் புதுச்சேரி ஜிப்மா் மருத்துவக் கல்லூரி மருத்துவமனையில் இருந்து சிறப்பு மருத்துவக் குழுவினா் அரசு பொது மருத்துவமனைக்கு வந்து, சிகிச்சை மற்றும் ஆலோசனைகள் வழங்கி வருகின்றனா்.
அதன்படி, சனிக்கிழமை காலை 10 முதல் பகல் 12 மணி வரை புற்றுநோய் சம்பந்தமான சிறப்பு மருத்துவா்கள் பங்கேற்று, பொதுமக்களுக்கு சிகிச்சை மற்றும் மருத்துவ ஆலோசனைகளை வழங்கவுள்ளனா். இதனை மக்கள் பயன்படுத்திக்கொள்ளுமாறு அதில் கேட்டுக்கொள்ளப்பட்டுள்ளது.
