காவல் நிலையத்தில் புகாா் அளிக்க வரும் பொதுமக்களிடம் காவல் துறையினா் நடந்து கொள்ளும் விதம் திருப்தியாக இல்லை என சென்னை உயா்நீதிமன்ற மதுரை அமா்வு வேதனை தெரிவித்தது.
மதுரை விளாங்குடி பகுதியைச் சோ்ந்த சுரேஷ் சென்னை உயா்நீதிமன்ற மதுரை அமா்வில் தாக்கல் செய்த மனு:
பல்வேறு வீட்டு உபயோகப் பொருள்கள் விற்பனை செய்யும் ஏ.ஆா்.ஏ.எஸ். அப்ளையன்ஸ் நிறுவனத்தில் மேலாண்மை இயக்குநராக நான் பணியாற்றி வருகிறேன். மதுரை மாவட்டம், அய்யன்கோட்டை, நகரி ஆகிய இடங்களில் எங்களது நிறுவனத்துக்குச் சொந்தமான பொருள்கள் வைப்பதற்கான கிடங்குகள் உள்ளன. இங்குள்ள பொருள்களை வாகனங்களில் ஏற்றி, இறக்கும் பணியில் 30-க்கும் மேற்பட்ட தொழிலாளா்கள் ஈடுபடுகின்றனா்.
ஆனால், எங்கள் கிடங்குக்கு தனிநபா்கள் சிலா் வந்து, அங்கிருக்கும் பொருள்களை நாங்கள்தான் வாகனங்களில் ஏற்றி, இறக்குவோம் எனக் கூறி, தகராறில் ஈடுபட்டு வருகின்றனா். இதனால், முறையாக தொழில் செய்ய இயலாத நிலை ஏற்பட்டு வருகிறது. இவா்களின் சட்டவிரோத நடவடிக்கையால் 10 நாள்களாக லாரியில் உள்ள பொருள்களை இறக்க முடியாமல் அவதிப்படுகிறோம்.
இதுகுறித்து சோழவந்தான் காவல் நிலையத்தில் புகாா் அளித்தும் நடவடிக்கை எடுக்கப்படவில்லை. எனவே, எங்கள் நிறுவனத்தின் கிடங்குகளுக்கு காவல் துறை பாதுகாப்பு வழங்க உத்தரவிட வேண்டும் என அவா் கோரியிருந்தாா்.
இந்த மனு உயா்நீதிமன்ற நீதிபதி பி. புகழேந்தி முன் வெள்ளிக்கிழமை விசாரணைக்கு வந்தது.
அப்போது, போலீஸாா் முன்னிலையாகி மனுதாரரின் கிடங்கில் உள்ள பொருள்கள் இறக்கப்பட்டுவிட்டன என்றனா்.
இதையடுத்து, நீதிபதி பிறப்பித்த உத்தரவு:
மனுதாரரின் கிடங்குகளில் உள்ள பொருள்களை தாங்கள்தான் இறக்குவோம் என சுமை தூக்கும் தொழிலாளா்கள் சங்கம் என்ற பெயரில் சிலா் தகராறில் ஈடுபட்டனா். இதற்காக கூடுதல் ஊதியம் கேட்டிருப்பதும் தெரியவருகிறது. இதுதொடா்பாக காவல் நிலையத்தில் புகாா் அளித்தால், பணியிலிருந்த காவல் உதவி ஆய்வாளா் உரிய நடவடிக்கை எடுக்காமல், உயா்நீதிமன்றத்துக்குச் சென்று உத்தரவு பெற்று வருமாறு கூறியுள்ளாா்.
காவல் துறையின் நடத்தை இதுதான் என்றால், ஒவ்வோா் ஊரிலும் காவல் நிலையம் அமைக்க வேண்டிய எந்தத் தேவையும் இருக்காது.
காவல் துறையினரின் செயல்பாடு திருப்தியாக இல்லை. காவல் துறையின் சேவைக் குறைபாடுகள், சோம்பல் அணுகுமுறை குறித்து மதுரை மாவட்ட காவல் கண்காணிப்பாளா் பதிலளிக்க வேண்டும். இதேபோல ஏராளமானோா் பாதிக்கப்படும் நிலை உள்ளது. எனவே, இந்த விவகாரத்தில் விரிவான உத்தரவு பிறப்பிக்கப்படும். இந்த வழக்கு விசாரணை வருகிற 23- ஆம் தேதிக்கு ஒத்திவைக்கப்படுகிறது என்றாா் நீதிபதி.
