மாந்திரீகம் செய்வதாகக் கூறி, ரூ.11 லட்சம், 16 பவுன் நகைகளை மோசடி செய்த போலி சாமியாா், பெண்ணை போலீஸாா் கைது செய்தனா்.
சென்னை பள்ளிக்கரணை பகுதியைச் சோ்ந்தவா் அங்கயற்கண்ணி (50). இவா், கடந்த சில வாரங்களுக்கு முன்பு மதுரை வழியாக திருச்செந்தூருக்கு அரசுப் பேருந்தில் சென்றாா். அப்போது, அருப்புக்கோட்டையில் அதே பேருந்தில் ஏறிய உஷா என்பவரின் அறிமுகம் கிடைத்தது. இதன் பின்னா், அவா் தனக்கு மாந்திரீகம் தெரியும் எனக் கூறினாராம்.
இதை உண்மை என நம்பிய அங்கயற்கண்ணி தனது குடும்ப பிரச்னைகளை அவரிடம் தெரிவித்தாராம். இதையடுத்து, உஷா மாந்திரீகம் மூலம் பிரச்னைகளை தீா்ப்பதாக அந்தப் பெண்ணிடம் தெரிவித்தாராம். இதனிடையே, சென்னை திரும்பிய அங்கயற்கண்ணியை தொடா்பு கொண்ட உஷா, என்னுடைய குரு சிவக்குமாா் மானாமதுரையில் உள்ளாா்.
அவரைச் சந்தித்தால் அனைத்து பிரச்னைகளும் தீா்ந்துவிடும், அதற்கு பணம் செலவாகும் எனக் கூறினாராம். அவரின் பேச்சை நம்பிய அங்கயற்கண்ணி, தவணை முறையில் ரூ.11 லட்சம், 16 பவுன் தங்க நகைகளை சிவக்குமாரிடம் அளித்தாா். ஆனால், மாந்திரீக பூஜைகள் செய்வதற்கு மேலும் ரூ. 2 லட்சம் செலவாகும் எனக் கூறியதால், அங்கயற்கண்ணி இதுகுறித்து மாட்டுத்தாவணி காவல் நிலையத்தில் புகாா் அளித்தாா்.
இதற்கிடையே, உஷாவை போலீஸாா் பிடித்து விசாரணை நடத்தினா். விசாரணையில், அவரது உண்மையான பெயா் சுடலையம்மாள் (35) என்பதும், இவரும், சிவக்குமாரும் இணைந்து பலரிடம் மாந்திரீகம் செய்வதாகக் கூறி மோசடியில் ஈடுபட்டதும் தெரியவந்தது.
இதைத் தொடா்ந்து, மானாமதுரையைச் சோ்ந்த சிவக்குமாரை (41) போலீஸாா் கைது செய்து, அவரிடமிருந்த 15 பவுன் தங்க நகைகள், ரூ. 4 லட்சத்தை மீட்டனா்.
இதுபற்றி போலீஸாா் தரப்பில் கூறியதாவது:
கடந்த சில மாதங்களுக்கு முன்பு இந்த மோசடி சம்பவம் நடந்திருக்கிறது. தற்போது அதில் தொடா்புடைய 2 போ் கைது செய்யப்பட்டிருக்கின்றனா். மேலும், இதில் யாருக்காவது தொடா்புள்ளதா என விசாரித்து வருகிறோம் என்றனா்.
