காா் மோதி நடத்துநா் உயிரிழப்பு

ஒடுகத்தூா் அருகே காா் மோதியதில் அரசுப் பேருந்து நடத்துநா் உயிரிழந்தாா்.

வேலூா் மாவட்டம், ஒடுகத்தூா் அடுத்த நாகலேரி கிராமத்தைச் சோ்ந்தவா் சரவணன்(50), ஜம்னாமரத்தூரில் இருந்து வேலூா் செல்லும் அரசுப் பேருந்தில் நடத்துநராக இருந்தாா். இவரது மனைவி வேதவள்ளி (48). இவா்களுக்கு 2 மகன்கள் உள்ளனா்.

குடும்பப் பிரச்னை காரணமாக கடந்த சில ஆண்டுகளுக்கு முன் வேதவள்ளி, தனது மகன்களை அழைத்துக்கொண்டு சென்னைக்கு சென்று தனியாக வசித்து வருகிறாா். இதனால் சரவணன், தனது தாயுடன் சொந்த கிராமத்தில் வசித்து வந்தாா்.

இந்நிலையில், சனிக்கிழமை சரவணன் வீட்டில் இருந்து அங்குள்ள கடைக்கு செல்வதற்காக சாலையை கடக்க முயன்றாா். அப்போது அந்த வழியாக வந்த காா், சரவணன் மீது மோதியது. இதில், பலத்த காயமடைந்தாா் அவரை அக்கம் பக்கத்தினா் மீட்டு அரசு மருத்துவமனைக்கு அனுப்பி வைத்தனா். பின்னா் வேலூா் அரசு மருத்துவக்கல்லூரி மருத்துவமனையில் அனுமதிக்கப்பட்ட அவா் சிகிச்சை பலனின்றி ஞாயிற்றுக்கிழமை உயிரிழந்தாா்.

தகவலறிந்த வேப்பங்குப்பம் போலீஸாா் வழக்குப்பதிவு செய்து விபத்தை ஏற்படுத்திய காரை பறிமுதல் செய்தனா். தப்பியோடிய ஓட்டுநரை தேடி வருகின்றனா்.