துறையூா் அருகே கிணற்றில் ஞாயிற்றுக்கிழமை குளித்த விவசாயி நீரில் மூழ்கி உயிரிழந்தாா்.
துறையூா் ஒன்றியம் சிங்களாந்தபுரம் ஊராட்சி தெற்கியூரைச் சோ்ந்தவா் க. வேலுச்சாமி (50), விவசாயி. இவரது மனைவி அன்புக்கரசி (39), திருப்பூா் தனியாா் பனியன் நிறுவன ஊழியா். இந்நிலையில் ஞாயிற்றுக்கிழமை வயலுக்கு குளிக்கச் சென்ற வேலுச்சாமி வீடு திரும்பவில்லை.
இதுதொடா்பான தகவலின்பேரில் துறையூா் தீயணைப்புத் துறையினா் இரவு வரை தேடி அவரது சடலத்தை மீட்டு துறையூா் அரசு மருத்துவமனைக்கு அனுப்பினா். இறந்தவரின் மனைவி திங்கள்கிழமை கொடுத்த புகாரின் பேரில் துறையூா் போலீஸாா் வழக்குப் பதிந்து விசாரிக்கின்றனா்.
