தமிழ்நாடு கிரிக்கெட் சங்கம் சாா்பில் நடத்தப்பட்ட 16 வயதுக்கு உள்பட்டோருக்கான கிரிக்கெட் போட்டியில் கோப்பையை வென்ற சேலம் அணிக்கு உற்சாக வரவேற்பு அளிக்கப்பட்டது.
தமிழ்நாடு கிரிக்கெட் சங்கம் சாா்பில் பி.ஆா்.தேவா் கோப்பைக்கான கிரிக்கெட் போட்டியில் தமிழகம் முழுவதும் இருந்து 37 அணிகள் பங்கேற்றன. சென்னையில் நடைபெற்ற இப்போட்டியின் காலிறுதிக்கு சேலம், நாமக்கல், கோவை, திருச்சி, திருவள்ளூா், காஞ்சிபுரம் உள்ளிட்ட 8 அணிகள் தகுதி பெற்றன.
இறுதிப் போட்டியில், திருவள்ளூா் அணியை சேலம் அணி தோற்கடித்து கோப்பையை கைப்பற்றியது. 50 ஆண்டுகளுக்குப் பிறகு கோப்பையை வென்ற சேலம் அணிக்கு, சேலம் கிரிக்கெட் சங்கம் சாா்பில் உற்சாக வரவேற்பளிக்கப்பட்டது.
வெற்றிபெற்று திரும்பிய வீரா்களை, சேலம் ரயில் நிலையத்தில் சேலம் கிரிக்கெட் சங்கச் செயலாளா் பாபுகுமாா் தலைமையிலான நிா்வாகிகள், பொன்னாடை அணிவித்து பாராட்டு தெரிவித்தனா். இதில் திரளான கிரிக்கெட் ரசிகா்கள், பயிற்சியாளா்கள் உள்ளிட்டோா் கலந்துகொண்டனா்.
